معجزه

يا عمري حبك معجزه
في الوقت جاتني منقذه
من بعد ما قلبي كفر
بالحبّ والشوق والبشر

خليك معايا يا قمر
مهما الزمن طال والسفر
معادش فيّه اعشق وميل
من بعد حبك يا جميل

وهبت قلبي للغرام
والحب والشوق والهيام
حبيت كتير وشقيت كتير
لحدّ ما رضيت في الأخير

ياما انظلم قلبي وتاه
في البحث عن حبه وهواه
حتى النصيب ولاّ القدر
بعث لي حبي المنتظر

حبك يا عمري كان منى
قلبي وروحي كام سنه
يا ريت يا أجمل حب كان
قابلت حبك من زمان