حبيت غرامك

حبيت غرامك حبيت جمالك
حبيت هيامك حبيت وصالك
حبيت عشانك ايام حياتي
يا اللي بحنانك حرّرت ذاتي

هواك يا روحي فتح عينيّه
من بعد نوحي ع دنيا تانيه
هواك يا قلبي فرّح زماني
من بعد غلبي وطول هواني

حبيت يا غالي وياك وجودي
ونسيت نضالي ونسيت جمودي
حتى العواذل حبيت عشانك
مهما العواذل كتروا في زمانك

هواك حقيقي بزهور نديّه
فرش طريقي في الدنيا ديّه
هواك ده خلّى حياتي أحلى
كمان ده والله خلاّها أغلى