هوّ العجيب

هوّ العجيب طبع الهوى
ولاّ العجيب طبع البشر
لمّا القمر ع البين نوى
ذنب الهوى ولاّ القمر

هيّه القلوب يا ناس دي إيه
حتى بسهوله تتقلب
ولاّ العيون يا ناس دي ليه
بتروح لفوق وبتنسحب

يا حلو ليه بسّ اعشقك
وانت ولا همّك غرام
يا حلو ليه أصدّقك
وانت ولا حسّ بهيام

معقول نسيت ايام زمان
واحلام زمان بالسرعه دي
معقول قسيت حتى الهوان
عندك خلاص صار شيء عادي

معقول بقيت عندك غريب
معقول نسيت أنا ابقى مين
إزاي بقى ونا الحبيب
ونا العزيز عندك سنين

إن كان كده هنسى العيون
عيون حبيب قلبي أنا
مهما العذاب عاد والشجون
مهما الهوان زاد والضنا