جود عليّه

يا حبيبي جود بكلمه
أو بهمسه بعد هجرك
يا حبيبي جود ببسمه
أو بلمسه رغم كبرك

يا حبيبي لو بنظره
بصّ وارحم نار لهيبي
يا حبيبي لو لمرّه
حسّ وارجع من نصيبي

ده انت حبك لسّه قايد
جوّه قلبي وجوّه صدري
واللقا لو كان تباعد
برضه حبي لك وعمري

بسّ عود لي يا حياتي
قبل مغرق في دموعي
ليه تعذبني بآهاتي
ليه تغلبني بخضوعي

دي الحياه أيامها صعبه
وانت غايب عن عينيّه
والزمان أحزان وغربه
وانت مش سائل عليّه