براحتك

يا حب خلّيك براحتك
ووقت متحب تعالا
مقدرش ازعل سماحتك
مقدرش والله أتعالى

بس انت ليه مش واخدني
من كام سنه باعتبارك
هوّ انت غاوي تكايدني
ولا انت هاوي انتظارك

يا حب كل المواجع
زرعتها جوّه قلبي
هيّه الأصول والشرائع
بتقول لك افرح لغلبي

كل القلوب بتراضيها
غير بسّ قلبي انت حارمه
حتى بحنان بتقاضيها
ليه بسّ قلبي انت ظالمه

يا حب خليّك حنيّن
بلاش تزوّد لهيبي
يا حب أرجوك تهوّن
وجدي وعذابي ونحيبي