يا قلبي سمّع

يا قلبي سمّع ضحكتك
من غير تردد أو خجل
وعدك خلاص جه في سكتك
واللي انتظرته سنين وصل

يا قلبي افرح بالحبيب
وارقص وغنّي للحياه
ده السعد جالك والنصيب
اللي انكتب لك جه معاه

يا قلبي قوم وافتح عينيك
وشوف جمال الكون بقى
بطّلت اخاف واقلق عليك
بعد الوصال ده واللقا

يا قلبي بص غرام كده
محدش قبلك حسّ بيه
غرام جميل بالشكل ده
محدش عاش لو ثانيه فيه

يا قلبي افتح للغرام
والحبّ قلبك من جديد
ده الكون بحاله يا سلام
صبح جميل معاه وسعيد

فين الطرب

ليه يا زمان عهد الجمال
من الوجود راح والخيال
حتى الطرب أصبح محال
لمّا انكتب لولاد عيال

فين الهيام فين الغرام
فين المعاني في الكلام
فين الأغاني يا حرام
دي بهزّتين تخلص قوام

فين الطرب بتاع زمان
معدش له بينا مكان
دلوقتي بس والله الجنان
عمّال يكسّر بالودان

أيام زمان مش أيّ حد
غنّى وقال أطرب بشر
مش أيّ حد ترك بجد
على القلوب بصمه وأثر

دلوقتي أي واحد بقول
عن نفسه سيد المطربين
فكره بغنوه راح ينول
حب البشر والمعجبين

ايام زمان كان مستحيل
في المغنا يظهر صوت جديد
إلاّ إذا كان صوت جميل
ملوهش بالصيت والرصيد

برضه الكلام مش ده الكلام
اللي انكتب ايام زمان
ولا الغرام هوّ الغرام
ولا الحنان هوّ الحنان

ده المغنا كان حلو وجميل
والفن كان مشغول بحب
حتى القلوب جيل بعد جيل
حافظه الكلام عن ظهر قلب

غار يا قمر

غار يا قمر من حبيبي
غار من جماله وحسنه
ده كان حبيبي ونصيبي
من صغر سنّي وسنّه

عشان حبيب قلبي أجمل
بلون عيونه الكحيله
كمان ده أحلى وأفضل
بنور خدوده الجميله

غار يا قمر من غرامه
وشوق عيونه لعيوني
غار من حنينه وهيامه
وحبّه ليّه الجنوني

غار يا قمر برضه مني
عشان بحبه لذاته
غار حتى مني لأنّي
بفدي بحياتي حياته

ده حبه والله أسرني
لحظة مبصّ في عينيّه
وحسنه برضه سحرني
لحظة مهلّ عليّه

غار يا قمر من مشاعري
ومن عواطفي النبيله
غار من قصايدي وخواطري
وسنين غرامي الطويله

غار يا قمر بسّ حاسب
تجرح حبيبي بكلمه
غار بسّ إيّاك تعاتب
عشان غرام قلبه نعمه

براحتك

يا حب خلّيك براحتك
ووقت متحب تعالا
مقدرش ازعل سماحتك
مقدرش والله أتعالى

بس انت ليه مش واخدني
من كام سنه باعتبارك
هوّ انت غاوي تكايدني
ولا انت هاوي انتظارك

يا حب كل المواجع
زرعتها جوّه قلبي
هيّه الأصول والشرائع
بتقول لك افرح لغلبي

كل القلوب بتراضيها
غير بسّ قلبي انت حارمه
حتى بحنان بتقاضيها
ليه بسّ قلبي انت ظالمه

يا حب خليّك حنيّن
بلاش تزوّد لهيبي
يا حب أرجوك تهوّن
وجدي وعذابي ونحيبي

فرحان

فرحان قوي قوي بلقاك
من بعد حيره وطول سهاد
ولهان قوي قوي بهواك
من بعد غيره وطول بعاد

كلمة بحبك قلتها
من جوّه قلبك يا قمر
ونا الحقيقه نلتها
بعد الملاوعه والسهر

بكل رقّه يا جميل
نطقتها واسمعتها
حنى بصراحه مستحيل
تتقال كما أحسستها

بكل دفء همستها
وبدفئها احمرّت ثلوج
وبكل سحر رسمتها
وبسحرها اخضرّت مروج

يا نور عيوني حبنا
مقسوم لنا ومن زمان
بسّ بإرادة ربنا
دلوقتي بس آن الأوان

معقول بكلمه يا بشر
كل المشاعر تختزل
معقول بهمسه تختصر
كل العبارات في الغزل

هوّ العجيب

هوّ العجيب طبع الهوى
ولاّ العجيب طبع البشر
لمّا القمر ع البين نوى
ذنب الهوى ولاّ القمر

هيّه القلوب يا ناس دي إيه
حتى بسهوله تتقلب
ولاّ العيون يا ناس دي ليه
بتروح لفوق وبتنسحب

يا حلو ليه بسّ اعشقك
وانت ولا همّك غرام
يا حلو ليه أصدّقك
وانت ولا حسّ بهيام

معقول نسيت ايام زمان
واحلام زمان بالسرعه دي
معقول قسيت حتى الهوان
عندك خلاص صار شيء عادي

معقول بقيت عندك غريب
معقول نسيت أنا ابقى مين
إزاي بقى ونا الحبيب
ونا العزيز عندك سنين

إن كان كده هنسى العيون
عيون حبيب قلبي أنا
مهما العذاب عاد والشجون
مهما الهوان زاد والضنا

قلبي انشرح

قلبي انشرح لما انفتح قلبك ومال
بعد الوصال مكان خيال وشيء محال
فرحت بيك مع اني ليك ومن زمان
عشقان هواك عشقان بهاك وبشوق كمان

الله عليك ماحلى عينيك ماحلى لقاك
من يوم لقاك والروح معاك عايشه في حماك
الله عليك يا اللي بهواك نلت المنى
يا اللي برضاك شفت الهنا بعد الضنا

خلاص بقى عهد الشقا ولّى وراح
لمّا الهوى بعد الجوى أصبح متاح
خلاص بقى عهد الهوان اصبح امان
حتى الجفا راح واختفى واصبح حنان

سلام جميل لك يا جميل سلام غرام
سلام أمل حب وغزل سلام هيام
سلام كده قدّ الفضا قدّ البحور
قد الرمال قد الجبال قد الزهور

اهلا

أهلا حبيب عمري
أهلا نصيب قلبي
لو بسّ من بدري
بادلتني حبي

اهلا حبيبي سنين
عدّت ونا استنى
والروح تناجي العين
والقلب يتمنّى

ردّيت عليّه وجيت
وشفت نور خدّك
اللي بشعاعه البيت
نوّر ومين قدّك

قرّب حبيبي الروح
قرّب وخود إيدي
ده القلب بات مجروح
م الفرقه ياسيدي

ويّاك حبيبي الويل
راح واختفى جرحه
حتى في ظلام الليل
للقلب عاد فرحه

يا اغلى شيء عندي
ممنون لقاك بيّه
ممنون ولك عهدي
أصون هواك ليّه
هفدي هواك ليّه

والله الزمان

والله الزمان ليّه ابتسم
لمّا الحبيب جاد بالوصال
بعد الهوان بعد الألم
بعد النصيب مكان محال

طوّلت ليه بينا البعاد
كان يجرى إيه لو جيت قوام
ضيّعت ليه عهد الوداد
بالهجر والصد والخصام

ياما انتظرت فرصة لقاك
بسّ اللقا كان مستحيل
ياما افتكرت ايام هواك
بسّ الهوى عز يا جميل

عهد العذاب زيّ السراب
لمّا انت جيت راح وانقضى
أماّ الربيع عهد الشباب
بالحبّ جاني والرضى

قال كتير

قال كتير زيّي انا عاشقين لها
قلت انا مش أيّ حد مغرم بها
قلبي اكبر من قلوب كل البشر
قلبي اكبر حتى م الشمس والقمر

مهما قال الناس كلام عن ظرغها
عن جمالها وعن دلالها ولطفها
لسّه وصف الناس لها مش قدها
مش بقد طول شعرها وقدّها

يا حبيبي في الزمان ده مستحيل
حدّ زيّي مال إليك أو راح يميل
ده انت قلبي وانت حبي من زمان
وانت شمسي وانت بدري مهما كان

يا حبيبي شيء جنوني حبي ليك
من جنوني بنور عيوني بفتديك
نفسي تعرف قدّ إيه بعشق عينيك
قدّ إيه بشتاق إليك واسأل عليك

من غير خجل

من غير مكابره أو خجل
من غير مناوره أو خداع
حبك بعث فيّه الأمل
من بعد شك حيره وضياع

حبك ده كان زيّ المطر
لمّا غمر بالخير بلاد
أحيا الصحاري والشجر
واحياالبراري والعباد

حبك زرع فيّه الأمان
من كل ضربات الزمن
حبك وهب ليّه الحنان
من بعد نوبات المحن

قبلك انا شفت الهوان
شفت الضنا عشت العدم
ويّاك هنا رقّ الزمان
حتى الألم راح والندم

ياما الفؤاد قبلك شعر
باليأس والخوف والهوان
ياما انجرح ياما انتظر
لحظة لقانا من زمان

سلام مربع

سلام مربع للجميل
اللي القمر غار من بهاه
سلام مربع من عليل
جرحه اختفى لحظة لقاه

سلام مربع للجمال
اللي انضرب فيه المثل
بالرقّه والذوق والكمال
والغمزتين زيّ العسل

سلام مربع للزمان
اللي جمع قلبين سوى
ع الحبّ والشوق والحنان
والودّ بينهم والهوى

سلام مربع للحبيب
اللي بهواه نلت المنى
سلام مربع للنصيب
اللي بلقاه شفت الهنا

سلام مربع للقلوب
المغرمه والعاشقه
رغم المصاعب ع الدروب
بالحبّ دابما صادقه

مهما تحلف

مهما تحلف مش هصدق
إّن حبك ليّه أكتر
مهما توصف حبي أعمق
من بحور الدنيا واكبر

لو فدرت توصف غرامك
مستحيل اوصف غرامي
وان قدرت توصف هيامك
فين هيامك من هيامي

حبي لك يا نور عيوني
حبّ عاصف حبّ جارف
حبي لك أصلا جنوني
وانت شايف وانت عارف

يا حبيبي القلب عاجز
يوصف الشوق والمشاعر
والكلام محتاج وعايز
ألف ناظم والف شاعر

بسّ برضه يا حياتي
حبك انت شيء خيالي
حب نوّر ليّه ذاتي
زيّ بدرك في الليالي

يا حبيب قلبي ورفيقي
بالإراده نلت حبي
حتى حبك صار حقيقي
كالعباده جوّه قلبي

يا اللي سكنت

يا اللي سكنت قلبي سنين
يا اللي ملكت روحي كمان
قلبي الحزين قلبي الأمين
مظلوم وساكت من زمان

يا عمّ انا م الشوق إليك
في القلب نار مبتنتهيش
حتى أنا م الخوف عليك
مش قادر انام مش قادر اعيش

معرفش إيه قسّاك كده
من بعد شوق وحب كبير
هوّ الغرام بالشكل ده
من غير شهامه أو ضمير

خلاص نسيت عهد الهوى
عهد المحبه والهيام
ولاّ الهوى طار في الهوا
مع كل أزمه أو خصام

هل كان حقيقي وصلنا
ولاّ ده كان وهم وسراب
لو كان حقيقي شملنا
لسّه بدوام رغم الصعاب

يا حلم

يا حلم إرجع وعود لي تاني
خليني أفرح ولو ثواني
ليه بس تخلص قوام وتمشي
مع إني قافل عليك برمشي

يا حلم إرجع وهات حبيبي
اللي في غيابه كتر نحيبي
خليك معايا كمان شويه
عشان هوايا ده نور عينيّه

يا حلم وحدك مكان لقانا
مكان صفانا وزمان هنانا
من بعد هجره وبعده عني
إنت اللي وحدك قرّبته نتي

يا حلم لو كان معاد خيالي
ده لسّه أرحم من شوق ليالي
من يوم غيابه وهجره ليّه
مين بسّ غيرك هوّن عليّه

يا حلم إرحم وزورني بدري
عشان ده شمسي هواه وبدري
يا حلم خفف عذاب غرامي
وخلّي حبي يجي في منامي

تكبّري

تكبّري تأمّري
تغندري تمخطري
حتى وإن تستنكري
أو ترفضي أو تأمري

ما زلت بي متيّمه
رغم الصدود رغم الفتور
ما زلت أيضا مغرمه
رغم الجحود رغم الغرور

يا حلوتي هيّا اسمعي
في البعد هذا مصرعي
فالشوق بادٍ للبشر
كالشمس فعلا والقمر

يا حلوتي هيّا افهمي
بالحبّ تحيا مهجتي
يا حلوتي هيّا ارحمي
قلبي الذي أدميته

لو قيل عني أيّ كذب
كي تهجريني دون ذنب
ما زال قلبي عاشقا
ما زال حبي صادقا

فالأمر ليس عائدا
لمل أقول غي الهوى
قد كان قلبي قائدا
حتى التقينا فهوى

لو نسّى الزمن

لو نسّى الزمن يا عمري المحن
لو نسّى الفتن والشوق والشجن
لا غيابك سنه أو مليون سنه
هينسّي الهنا بوجودك هنا

لو نسّى الزمن يا عمري الألم
لو نسّى الندم وسنين العدم
حبك والحنان ودّك واللي كان
جوّايا في أمان من غدر الزمان

لو نسّى الزمن يا عمري الأنين
لو نسّى الحنين واحزان السنين
وحياة الهوى لو طال النوى
هجيلك هوا لو قلبك نوى

لو نسّى الزمن يا عمري الغرام
والشوق والهيام عند الناس قوام
هيفضل هواك في قلبي أنا
هيفضل لقاك يا حبي المنى

حبيت غرامك

حبيت غرامك حبيت جمالك
حبيت هيامك حبيت وصالك
حبيت عشانك ايام حياتي
يا اللي بحنانك حرّرت ذاتي

هواك يا روحي فتح عينيّه
من بعد نوحي ع دنيا تانيه
هواك يا قلبي فرّح زماني
من بعد غلبي وطول هواني

حبيت يا غالي وياك وجودي
ونسيت نضالي ونسيت جمودي
حتى العواذل حبيت عشانك
مهما العواذل كتروا في زمانك

هواك حقيقي بزهور نديّه
فرش طريقي في الدنيا ديّه
هواك ده خلّى حياتي أحلى
كمان ده والله خلاّها أغلى

جود عليّه

يا حبيبي جود بكلمه
أو بهمسه بعد هجرك
يا حبيبي جود ببسمه
أو بلمسه رغم كبرك

يا حبيبي لو بنظره
بصّ وارحم نار لهيبي
يا حبيبي لو لمرّه
حسّ وارجع من نصيبي

ده انت حبك لسّه قايد
جوّه قلبي وجوّه صدري
واللقا لو كان تباعد
برضه حبي لك وعمري

بسّ عود لي يا حياتي
قبل مغرق في دموعي
ليه تعذبني بآهاتي
ليه تغلبني بخضوعي

دي الحياه أيامها صعبه
وانت غايب عن عينيّه
والزمان أحزان وغربه
وانت مش سائل عليّه

عاد الشتا

يا حبيبي الشتا راح وعاد من تاني
ونا لسّه هنا م الفراق بعاني
يا حبيبي السنه بدونك طويله
والحياه م الضنا والجوى تقيله

يا حبيبي الغيوم من دموعي ارتوت
والرياح م الهموم ونار قلبي انكوت
والليالي طالت من سهاد عيوني
والسنابل مالت من رياح جنوني

يا حبيبي صورتك في قلبي وخيالي
وسيرتك تمللي بفكري وع بالي
بس هجرك ليّه والله أثّر فيّه
بعد غدرك بيّه وكدبك عليّه

يا حبيبي خلّي غلبي معاك شفيعي
خلّي وصلك خلّي حبك ربيعي
يا حبيبي رغم هجرك لسه عاشقك
رغم غدرك لسّه مش قادر أفارقك

مهلك

مهلك على قلبي مهلك
مهلك على روحي مهلك
فكرك بنظره من عيونك
أو ببسمه هنده لك

افهم بقى وخليك واعي
بلاش نعيد من غير داعي
لو جاي عشان تلعب بيّه
للخلف در وعود لاهلك

فكرك يا عم هتسحرني
بالشكل ده وتأسرني
لو كان كده لأ شوف لك حد
يكون خداعه اسهل لك

يا عم لسّه قدامك
سنين لتحقيق احلامك
عشان كده طوّل بالك
احسن قوام م الشوق تهلك

يا عم مين قال لك عني
في الحب تقدر تخدعني
حتى اللي عنك سمعته
اثبت وأكد لي جهلك

قصائدي

قصائدي في وصف عينيك
ما عدت أسعى كي أغنيها
ما عدت أشقى مثلما كنت
أشقى لألقيها وأرويها
ما عدت أبغي صنعها عقدا
من أجل أن تنسى معانيها
فهل من المعقول أن أشقى
كي لا تعي ما قلته فيها
وهل من المعقول أن أبقى
مثابرا والغدر يفنيها
ما العدل في أن تقطعي عهدا
لا بل عهودا لن تصونيها
ما القصد والداعي لقطعها
إن كنت أصلا لن تراعيها
لا يا حبيبتي قصائدي
ما عدت أمليها وأهديها
لتستخفي تارة بها
وتارة أخرى ببانيها

ليت الهوى

أين الفرار يا حبيبي من هواك
ومن زمان عشته حلوا معاك
كيف الهروب من حنيني للقاك
والقلب يأبى عشق إنسان سواك

ليت الهوى قد ظلّ شوقا وحنين
ولم يكن جرحا على مرّ السنين
ليت الهوى قد بات في القلب دفين
ولم يكن قيدا مدى العمر متين

يا منيتي إني وإن اشكو الغياب
فالشوق يحلو رغم انّات العذاب
أمّا وقد صار الهوى خيط سراب
فهل يعيد الحب لوم أو عتاب

عهد الهوى منذ سنين قد مضى
صدا وهجرا دون خير يرتجى
لو كان للعدل سبيل ما انقضى
عهد بقلبي وحياتي يفتدى

يا فلب لم يبق من الحب سوى
شوق وسهد وحنين وجوى
لكنني حتى وإن طال النوى
ما زلت أرجو جاهدا عود الهوى

إزيّك

يا عمري ازيّك والله اشتاقنالك
ده الليل من ضيّك نور كرمالك
يا عمري بعدك كان صعب عليّه
ده الشوق من بعدك سهر لي عنيّه

لكن برجوعك سكتت احزاني
وبضيّ شموعك هديت اشجاني
ويّال احلامي رجعت يا غالي
وسنين اوهامي غابت عن بالي

مين كان يتخيّل مين كان يتصوّر
هصبر ع غيابك أو حتى يفكّر
لكن شوق قلبي خلاني استحمل
واحساسي بحبي خلاني اتأمل

يا عمري العالم وحياتك فاضي
غير بس ومالم نلاجع للماضي
ماضينا الأحلى بأيامه الهاديه
ماضينا الأغلى بأحلامه الناديه

كنت فاكر

كنت فاكر يا حبيبي
بعد ما طوّل بعادك
راح حنين قلبي ولهيبي
من زمان ونسيت ودادك
اللازمه
كنت فاكر شوق عيوني
راح وعدّى من وجودي
كنت فاكر راح جنوني
بعد اعوام من صمودي

إنما بالحق لسّه
نار هواك قايده وغرامك
وان نسيت مش ممكن انسى
أي كلمه من كلامك

ده انت سيرتك شاغله فكري
من زمان وفي كل ثانيه
وتمن صورتك ساكنه صدري
ليل نهار وفي كل ناحيه

كنت فاكر صبر قلبي
راح يقصّر ليل سهادي
كنت فاكر هنسى غلبي
بعد مدّه من بعادي

كنت فاكر بكره عيني
مش هتدمع يوم عشانك
واللي كان بيني وبينك
مش هيرجع مع زمانك

أيّ هوى

أيّ هوى يجمعنا
إن كنت لا ترحمني
أي دوى ينفعنا
إن كنت لا تفهمني

أي غرام واشتياق
يبقى بصد وغياب
أي هيام ووفاق
يبقى بعند وعذاب

إن كنت لا تبغي الفراق
وإنما تبغي اللقاء
دع الغرور والنفاق
والكبرياء والإباء

فالقلب يأبى أن يهان
حتى وإن زاد الحنين
والروح لا ترضى الهوان
حتى وإن ضجّ الأنين

يا سيدي طال الجفاء
هل من سبيل لوصالي
يا سيدي أين الوفاء
هل صار ضربا من محال

يا سيدي أرجو الرجوع
الى زمان قد مضى
والله قد ملّ الخضوع
قلب من اليأس قضى

يا سيدي كل العهود
قد خنتها دون استياء
أمّا أنا كلّ وعودي
قد صنتها رغم ابتلائي

صعبان عليّه

صعبان عليّه خداعي
وايام عذابي وهواني
صعبان عليّه ضياعي
واحلام شبابي وزماني

صعبان عليه بعادك
بعد الغرام والمحبه
صعبان عليه عنادك
بعد الوئام والموده

صعبان عليه سنيني
عمّال تعدّي بدونك
صعبان عليه حنيني
وشوق فؤادي لعيونك

صعبان عليه انشغالي
بنار هواك واشتياقي
صعلان عليه انفعالي
قبل الوصال والتلاقي

يا نور عيوني جمالك
سحر عيوني وفؤادي
وان غبت عني خيالك
دايما معايا وقصادي

معرفش ليه كل نوبه
بقول خلاص هنسى حبك
معرفش ليه بعد توبه
مقدرش اعيش غير بقربك

سنين

سنين ونا بحلم اعيش
قصة غرام متنتهيش
قصة غرام من غير ندم
من غير خصام أو يوم ألم

سنين ونا استنى الحبيب
سنين ونا اتمنى النصيب
حتى انشبك قلبي بهواك
لمّّا انكتب لي يوم لقاك

يا نور عيوني مستحيل
لحد تاني كنت اميل
ده انت اللي قلبي كان مناه
يلقاك ويلقى معاك هناه

هواك ده كان احلى خبر
واغلى هديّه م القدر
ويّا خلاص نلت المنى
ولقيت غرام عمري هنا

شكري الجزيل لك يا ملاك
يا اللي القمر غار من بهاك
والله الحياه احلوت وعاد
للقلب نبضه في المعاد

ميهونش

ميهونش ع القلب العاشق
يسمع حبيبه بيشكي
ميهونش في الحب الصادق
يلمح عيونه بتبكي

ياما انظلم قلبي بقربك
لكن ثبت على عهده
ياما انحرم من نور حبك
لكن صدق وصان عهده

ميهونش والله عليّه
أسيب حبيبي وأمشي
من غير مخبيه في عينيّه
من غير مغطيه برمشي

ميهونش اجيلك واحكيلك
عن الغرور اللي في قلبك
ميهونش اجيلك واشكيلك
من الفتور اللي في حبك

ميهونش حتى يا روحي
اشكيك وقول منك لله
عشان عذاب قلبي ونوحي
دول مستحيل هيرضوا الله

من بعيد

يا نور عيوني من بعيد
ببعت رساله من جديد
قلبي الحزين قلبي الأمين
هدّه الحنين ومن سنين

يا عم ليه عندك خلاص
معدش فرق بين ناس وناس
ده نا الحبيب وبالأساس
أنا اللي رايدك وبحماس

يا عم ليه محروم لقاك
محروم هواك محروم رضاك
مع إن قلبك مستحيل
لحد تاني في يوم يميل

سنين ونا وحدي هنا
ويّا العذاب ويّا الضنا
سنين ونا ماسك الهوا
بحلم بماضينا سوى

يرضيك اكون رهن الظنون
رهن السكون رهن الشجون
يرضيك اعيش زيّ الغريب
بعيد عن الناس والحبيب

يا ناس

يا ناس سيبوني في حالي
وانسوا الملامه شويّه
هوّ الحبيب الغالي
هوّ العزيز عليّه

يا ناس متحسوا بيّه
قلبي خلاص اختار
هوّ اللي إيده في الميّه
زيّ اللي إيده في النار

يا ناس هواه أسرني
وحسنه البديع سباني
مين غيره كان سحرني
مين غير كان رماني

يا ناس ليه بس الغيره
ليه بس الكلام الجارح
ليه بس الظنون والحيره
ليه بس الخيال الجامح

يا ناس ده لو كان ناسي
غرام الجميل في عنيّه
ولو كمان كان قاسي
حياتي فداه والدنيا

خلونا يا ناس في حالنا
خلونا نعيش أيامنا
خلونا نشوف أشغالنا
خلونا نحقق أحلامنا

أنّى

أنّى لي النسيان وأينما أكون
ينهشني الحرمان والشوق والشجون
أنّى لي الهروب والذكريات جمّ
فها هو الغروب يشدني واليمّ

فكم عناق هنا داعبه النسيم
وكم حديث لنا قاطعه النديم
وهاهي التلال مزدانة باللوز
من تحتها السهول مزروعة بالموز

هل يمكن المرور بها ولا أجنّ
والطير والزهور تعرف كم أحنّ
ففي ثنايا الغاب كم جدت بالوصال
وفي حمى الشعاب كذا وفي الظلال

وهاهنا جدول كم كان يسعدنا
وفوقه بلبل كم كان ينشدنا
وهاهنا روضة جميلة الألحان
أزهارها الغضة بديعة الألوان

هل يمكن التناسي وأينما أسير
في القلب والأنفاس ذكرى الهوى عبير
هل يمكن التعالي يا زهرة الأمال
وأنت في الخيال على مدى الليالي

هجرتني

هجرتني ليه يا قاسي
من غير متسمع كلامي
ظلمتني ليه يا ناسي
حبي وهيامي وغرامي

هجرتني قلت ماشي
طب خدت قلبي معاك ليه
ظلمتني برضه ماشي
طب نلت حبي عشان إيه

عشمت قلبي بحبك
وقلت حبك هنايا
بسّ الحقيقه بقربك
منابني غير بس أسايا

خدعت قلبي وسامحتك
وقلت يمكن هتفهم
جنيت عليّه وصالحتك
وقلت جايز هتفهم

فضلت ترفض وصالي
وكل همسة ملامه
حتى انتهيت غير مبالي
بأيّ عزّه وكرامه

ارحم لي قلبك

يا حبيبي ارحم لي قلبك
وارحم القلب اللي حبك
لو غدر خلّك بحبك
خلّي إيمانك بربك

يا حبيبي ضاع زماني
وانت مش داري بهواني
ليه متفتح ليّه تاني
قلبك اللي سنين سلاني

لو حبيبك قلبه خانك
بعد ما حسّ بحنانك
لو انا كنت في مكانك
مستحيل ارضى بهوانك

يا حبيبي ارجع لنفسك
ده انت حقك تنسى امسك
ليه هتقبل باللي مسّك
ليه هتفضل رهن يأسك

يا حبيبي انسى اللي باعك
واللي كان عشقان خداعك
حتى ده من غير وداعك
راح وسابك لضياعك

يا حبيبي خلّي بالك
بالمحبه قلبي جالك
بص لنفسك بص لحالك
بالهوان ده انت مالك

يا بنات

يا بنات الحب ده عطاء م الرب
للهنا والسعد
إنما ده هزار في زمانكو صار
بعد ما كان جد
يا بنات الناس ده الهزى احساس
ولأبعد حد
لا كلام افلام روايات واحلام
ولا قصه لحد

يا بنات الحب ده نعيم للقلب
على طول وسرور
لا غرام واوهام وفراق ايام
على طول ونفور
يا بنات الود ده ثبات ع العهد
وسعاده ونور
لا غياب وصدودوعتاب وجحود
ولا حتى غرور

يا بنات الشوق ولهيب الشوق
ياما غيّر حال
ده نا شفت احزان وهوان واشجان
وعذاب اشكال
ليه بقى فاكرين يا بنات حلوين
الهوى موّال
ده الهوى اكبر وكمان اكتر
من كده أمّال

لأ يا حبيب قلبي

دلوقتي بس لمّاالحبيب
رفض هواك اشتاقت لي
دلوقتي بس لمّا الغريب
ما اهتم بيك احتاجت لي

لأ يا حبيب قلبي أنا
حبّك نسيته من زمان
بعد العذاب بعد الضنا
معادش لك عندي مكان

فكرك بكلمه راح تقيد
حبي اللي راح ويّا الرياح
ولاّ بنظره راح تعيد
قلبي اللي صار مليان جراح

هيّه القلوب لعبه في إيديك
ملهاش كرامه أو شرف
ولا القلوب بالنسبه ليك
زيّ الأوني والتحف

جاي تعمل ايه لمّا انكسر
قلبي الحزين من طول جفاك
ده الجرح ع الخد انحفر
من دمعي عيني ونار هواك

دلوقتي دوق طعم المرار
اللي اشتكيت منه سنين
لفّ الزمان عليك ودار
حتى اشتكيت زيّي الحنين

حديث الأمس

يا حبيبي رغم حبي
رغم ودّي عزيز النفس
م النهارده جوّه قلبي
صرت عندي حديث الأمس

لو حنيني زاد يوماتي
مش هسامحك مش هحاسبك
لو أنيني عاد ليلاتي
مش هصالحك مش هعاتبك

مش هقولك طال سهادي
طال عذابي طال هواني
مش هقولك ضاع فؤادي
ضاع شبابي ضاع أماني

يا حبيبي زيف غرامك
بان ببعدك وبفتورك
إنّما الكبر بكلامك
بان بصدك وبنفورك

يا حبيبي في الليالي
مش هتسهر لك عيوني
حتى من قلبي وخيالي
هنزع الحب الجنوني

يا حبيبي مهما تبكي
مش هتنزل مني دمعه
مهما تحكي ومهما تشكي
مش هتشعل فيّه شمعه

فاضلك إيه

نسيت وعدك نسيت عهدك فاضلك إيه
سنين صدك سنين بعدك قاسيتهم ليه
خلاص يا عم راح انسى الهم ونار الويل
لا شوق واشجان وخوف واحزان في صبح وليل

سراب واوهام هواك واحلام بقى معقول
أبات محتار وقايد نار من المجهول
هيامي بيك وشوقي ليك هدر راحوا
عشان م الحب مشفش القلب سوى جراحه

غريب أمرك عجيب طبعك بقيت تشكي
ونا العاشق ونا الصادق سنين ببكي
خلاص متقولش عشان مفضلش كلام يتقال
وهتقول إيه وهتعيد ليه بقى الموّال

بفالي سنين

بقالي سنين ونا اتمنى
أعيش الحب ولو مرّه
وفات العمر ونا استنى
تضاع القلب وداب حسره

وجاني الوعد وكان أحلى
من الأحلام يا حبيبي
وجاني السعد وكان أغلى
من الأيام يا نصيبي

الله الله يا حب الله
شفيت الروح بأنغامك
الله الله يا قلب الله
لقيت بالحبّ أحلامك

جمالك يا حبيب قلبي
سحر قلبي بأحلى عيون
دلالك يا هبة ربي
أسر حبي بكل جنون

حبيبي والله ممنونك
على روعة هواك ليّه
فدا حبك فدا عيونك
حياتي وقلبي وعنيّه

حبيبي بس بلاش تتقل
إذا العالم حسد حبي
بلاش ارجوك في يوم تزعل
إذا العاذل وشى لقلبك

خليك شجاع

خليك شجاع عند الوداع يا قلبي
خليك شجاع بعد الخداع يا قلبي
مهما الحبيب أصبح غريب عن هواك
ملوش مفر مهما أصر من لقاك

سيبه انت بس للذكريات والزمن
بكره الحنين هيزيد عليه والشجن
رغم الغرور رغم النفور والفتن
جوّاه غرام أكبر كتير م العلن

يا قلبي ليه ملهوف عليه ليل نهار
هوّ الحبيب حسّ بلهيب أو بنار
يا قلبي إيه شدّك إليه من جديد
بعد الفراق مطال وصار شيء أكيد

يا قلبي ليه كتر الكلام والملام
ليه العتب ليه الغضب والخصام
هيفيد بإيه لومك عليه ده الغرور
طوّل جفاه وضيّع هواه من شهور

خلاص بقى

خلاص بقى مليت جفاك
مليت عذاب قلبي بهواك
سنين ونا سهران وحيد
حيران شريد سرحان بعيد

خلاص بقى مليت غرام
مسمعش عنه غير كلام
خلاص بقى مليت هيام
منابني منه غبر آلام

خلاص بقى بلاش ضياع
بلاش خداع خلف القناع
ليه بس اعيش من غبر أمان
في الكون مليش إلاّ الهوان

بتغيب سنين من غير خبر
من غير جواب لو مختصر
وان عدت حتى كالغريب
بتمر عليّه شيء عجيب

لمّا الغرام عندك دلال
صدّ وخصام من غير وصال
ليه بسّ تحلف ميت يمين
هتكون وفي ليّه وأمين

يا حلوتي

يا حلوتي هيّا افتحي
للحبّ قلبك وافرحي
يا حلوتي ليه تسمحي
قلبي المتيّم تجرحي

يا حلوتي ليه الغرور
ليه المكابره والنفور
يا حلوتي ليه الفتور
مش كلّ يوم قلبي صبور

يا حلوتي مهما الجمال
عدّى الحقيقه والخيال
غير للإله كل الكمال
كل المهابه والجلال

يا حلوتي بكره الخريف
من غير أنيس هيكون مخيف
حتى البصر هيكون ضعيف
والنوم كمان هيكون خفيف

يا حلوتي لا الكبرياء
هتفيد ولا حتى الإباء
بكره ان ندهت للقاء
مش هقدر اسمع لك نداء

يا حلوتي قبل الأفول
هيّا اسمعي مني الأصول
بكره لجمال ده راح يزول
مهما اكتمل مش لااح يطول

بحسد

يا حبيبي بانتظارك
وانشغالك واعتذارك
صرت أحسد أي واحد
كان معاك أو لسه قاعد

صرت احسد أيّ نحله
من خدودك جات بقبله
صرت احسد أي زهره
من شفايفك جات بقطره

صرت احسد أيّ همسه
من عذول أو أيّ لمسه
صرت احسد أيّ نظره
من حسود لو حتى مرّه

صرت احسد في الليالي
كل نجمه بيك تلالي
صرت احسد لاجل خاطرك
كل نسمه شايله عطرك

صرت احسد يا حبيبي
حتى قلبي ونار لهيبي
صرت احسد برضه فكري
وانشغاله بيك يا عمري

هنسى حبك

زيّ منسيت بكره هنسى
عشق قلبي لك وأكتر
زيّ مقسيت برضه هقسى
بسّ هيكون تاري أكبر

الوداع لك يا اللي عمري
ضاع بطول هجرك وبعدك
الوداع لك يا اللي صدري
ضاق بطول غدرك وعندك

بعد ما ضيّعت حبي
لسّه فكرك يوم تنوله
بعد ما تعّبت قلبي
لسّه عندك شيء تقوله

صنت ودّك صنت حبك
رغم بعدك عن عيوني
بسّ عندك قسّى قلبك
حتى صدّك زاد جنوني

هوّ معقول طول حياتي
أبكي واتألّم وداري
ولاّ معقول صوت آهاتي
يطربك ليلي ونهاري

ليه نلوم

ليه نلوم الزمن والكون والوطن
لو شفنا المحن أو عشنا الفتن
ليه نلوم القدر والشمس والقمر
لو قلب البشر أصبح كالحجر

من هجرك سنين صار حبك سراب
من غدرك أنين كان ليلي وعذاب
مليش يا زمن عليك أي عتاب
وانت يا قدر مفيش بينا حساب

حق قلبي عليك يا اللي اشتاقت ليك
وتعشمت فيك وانشغلت بيك
كان قلبي بريء ولاّ كان جريء
ولاّ الحبّ كان بزياده عميق

كنت اعرف منين غرامك يا زين
راح يفضل بعيد عن قلبي سنين
كنت اعرف منين دموعك يا عين
هتملالي البير وتملالي العين

مش هعاتبك

لو بكلمه مش هعاتبك
لو بهمسه مش هحاسبك
بس هقوللك سيب طريقي
طول ما حبك غير حقيقي

ده الغرام بين الحبايب
يا حبيبي شهد دايب
والهيام عند اللي عاشق
ود حقيقي وقلب صادق

بسّ كبرك يا حبيبي
خلّى قلبك مش داري بي
من غرام قلبي ولهيبي
غيرش بعدك صار نصيبي

بعد أكتر من محاضره
يا حبيبي ومن مناوره
لسّه قلبك مش معايا
رغم حبي ونار هوايا

كلّ مشكيلك غرورك
زاد صدودك ونفورك
كل منده لك وصالحك
بندم اني ارضيت اسامحك

عايشين

عايشين سوى في حضن الهوى
من غير جوى أو يوم نوى
لا القلب داب ولا انكوى
من نار حنين ولا اشنكى

لو كان عتاب بينا وملام
أو كان كلام أدّى لخصام
بالحبّ والشوق والهيام
نقدر نعيد بيناالغرام

يا نور عيوني مستحيل
منك أشيل لو شيء قليل
مقدرش حتى يا جميل
لحدّ تاني في يوم أميل

وليه أشيل منك ونا
بعشق هواك من كام سنه
ده انت السعاده والهنا
وانت الأماني والمنى

حبك وطن واغلى وطن
رغم المحن رغم الفتن
ويّاك أمن قلبي الزمن
ويّاك سكن جنّة عدن

إنت فين

جمال عيونك يا غالي
سحر فؤادي وخيالي
حتى القمر في الأعالي
غار من بهاك في الليالي

بسذ انت فين يا هوايا
يا اللي انت سعدي وهنايا
غير بسّ فلبي وشقايا
في البعد عايشين معايا

بشتاق إليك يا حبيبي
ملهوف عليك يا نصيبي
لو بسّ سامع نحيبي
لو بسّ شايف لهيبي

يا نور عيوني يوماتي
غرقان بدمعي وآهاتي
حتى المنام يا حياتي
معدش يرجع ليلاتي

يا عمّ طفيت شموعي
وقدت نارها بضلوعي
يا عمّ ارحم دموعي
وارحم هواني وخضوعي

لو يوم نسسيتك

لو يوم نسيتك متلومنيش
أو يوم جافيتك متلومنيش
بعد الخداع اللي شفته
بعد الضياع اللي عشته
حتى ان كرهتك متلومنيش

ملكش حق حتى تعاتب
من بعد ما شفت الهوان
ملكش حق برضه تحاسب
من بعد ما عشت الهجران

حبيت هواك بس يا خساره
بعدك سقاني مرّ الكاس
ملّيت جفاك حتى الحاره
حسّت بجرحي وكل الناس

مليش نصيب إلاّ بصدّك
وبطول عذابي في حبك
مفيش أمان ليّه في بعدك
أو حتى جمبك وقربك

مغرور قوي وده خلاّك
تخون ضميرك ووعدك
تقلان قوي وده نسّاك
تصون يمينك وعهدك

إزّاي تلوم قلبي العاشق
وانت اللي ظالم وغادر
وازاي تخون حبي الصادق
ونا اللي ساكت وصابر

لا تلومني

يا حبيبي لا تلومني لو ظنوني
قد توالت بين صدّ واتفاق
لا تلومني بل أعنّي لو شجوني
قد تعالت بعد هجر واشتياق

يا حبيبي غضّ طرفاً عن ملامي
فالتغاضي طبع من يهوى بصدق
كم تناسى القلب ظلماً في الغرام
والتناسي درب من يرضى بعشق

يا حبيبي في سبيل الحبّ نعفو
رغم أنّ القلب قد يشكو المرارا
قد نجافي إنّما حتماً سنصفو
مثل بحرٍ هائجٍ يصفو مرارا

يا حبيبي عندما يدنو التلاقي
والهوى يحلو لنا عند الوصال
كلّ وجدٍ بعد صدّ أو فراق
سوف يخبو مثل نار في الرمال

لولاك

لولاك أنا كان من زمان
شفت الضنا وعشت الهوان
بسّ الحياه جمبك أمان
في كلّ حته أو مكان

شكراً حبيبي ع الهنا
اللي احنا فيه عايشين هنا
شكراً وتسلم لي أنا
يا اللي يهواك نلت المنى

لولاك أنا كان مسنحيل
أعشق وميل غير للجميل
ده انت ألأنيس والليل طويل
وانت الجليس والنوم قليل

لولاك هنا كان قلبي داب
والحب صار وهم وسراب
ويّاك هنا عهد العذاب
ولّى وعاد ليّه الشباب

يا أغلى حب شفته وغرام
وأحلى شوق عشته وهيام
من قلب مفعم بالوئام
ليك التحيه والسلام

رؤيا

يا حبيبي شفت رؤيا
من سنين عدّت عليّه
قال أخيراً همت بيّه
يا حبيبي وصرت ليّه

بسّ يا خساره تلاشت
في الهوا كل الأماني
حتى لو عادت وجاشت
مش هتخدع قلبي تاني

يا حبيبي العمر عدّى
وانت قلبك لسّه خالي
دي الحياه والعمر مدّه
وانت بعدك غير مبالي

يا حبيبي كنت ناوي
أوهبك عمري وحياتي
بسّ قلبك لسّ غاوي
صوت أنين قلبي وآهاتي

يا حبيبي بص لنفسك
وانت تعرف صدق حقي
لو صدق قلبك وحسّك
كان زمان حسّيت بصدقي

يا حلو الكلام

يا عمّ يا حلو الكلام
يا اللي انت متناسي الغرام
فكرك بكلمه أو سلام
هتنول قوام مني المرام

خلّيك صريح يا عم وجد
وانسى المديح لو حتى شهد
عشان أنا مش أيّ حد
تقدر عليه دون أيّ جهد

يا عمّ لو كنت الأمير
وكنت انا إنسان فقير
متفتكرش بالحرير
هتخلّي قلبي لك أسير

يا عمّ لو كنت الكبير
ولك نفوذ ع الناس كتير
متفتكرش لو تطير
هرضى غرام من غير ضمير

يا عمّ لو كنت المثال
للحسن والزين والجمال
وفّر جهودك ده الوصال
والحبّ عندي بالحلال

وصف الحبيب

يا ناس حبيبي مستحيل حد يوصفه
عشان حقيقي أي كلام لن ينصفه
بس بطريقتي واجتهادي هوصفه
حتى الغريب قبل القريب يعرفه

يا ناس جماله في الزمان ده شيء عحيب
حتى القمر غار واستحى ومش عجيب
هوّ الغرام هوّ الهيام هوّ النصيب
مهما حصل زيّ العسل ظلم الحبيب

يا ناس حبيبي في الحقيقه والخيال
رمز المحبه والوداد رمز الجمال
يا ناس ظريف طبعه ولطيف عند الوصال
حتى ان زعل أو يوم تقل حلو الدلال

يا ناس عفيف حبه وشريف ومن زمان
لا شفت هجر أو أيّ غدر منه وهوان
حتى المكان قبل الزمان اصبح أمان
مليان حنان مليان كمان فل وريحان

لو خاب

لو خاب رجاءك في الحبيب
وداب فؤادك م النحيب
لو هان وغاءك والنصيب
راح للبعيد أو للغريب

إسمع كلام أهل الهوى
ملكش غير صبرك دوى
فيه الشفا وفيه النجاه
من نار جفا قلبه وهواه

لو كنت عاشق والوصال
كان في الحقيقه شيء محال
أو كنت صادق والدلال
خلّى الغرام صعب المنال

إسمع كلام أهل الهوى
ملكش غير صبرك دوى
فيه الشفا وفيه النجاه
من نار جفا قلبه وهواه

لو كان حبيبك والزمان
لتنين عليك ظلم وهوان
لو خدت غدر ودّيت حنان
وشفت هجر ودّيت أمان

إسمع كلام أهل الهوى
ملكش غبر صبرك دوى
فيه الشفا وفيه النجاه
من نار جفا قلبه وهواه

لو عشت طول عمرك أمين
والحبّ كان جوّاك متين
لو كنت عاشق والحنين
خلاّك تبات الليل حزين

إسمع كلام أهل الهوى
ملكش غير صبرك دوى
فيه الشفا وفيه النجاه
من نار جفا قلبه وهواه

يا عمّ روح

يا عمّ روح سيبني في حالي
مش ده الغرام اللي في بالي
يا تحب بجد وحقيقي
يا تبتعد عن طريقي

ده الكون بكفه يا عينيّه
والحبّ في الكفه التانيه
والشوق بقاله في قلبي سنين
والحب والود بسّ لمين

بلاش تقوللي بحبك
بلاش كمان تمسك إيدي
عشان بحسّ ان في قلبك
غير الكلام ده يا سيدي

يا عمّ انا نفسي بإنسان
يقدر ينسّيني الحرمان
إن كنت قادر رافقني
وان كنت غادر فارقني

فكّر قوام وشوف لك حل
عشان فؤادي منك مل
إن قلت لك حاجه بتزعل
وان ملت لك تاني بتتقل

ملّيت

بهواك سنين بسّ العناد
خلّى الفؤاد ملّ السهاد
بهواك سنين بسّ البعاد
خلّى الوداد والشوق رماد

ملّيت خلاص م الإنتظار
من غير جواب أو اعتذار
ده الليل صبح بعدك نهار
والويل جرح قلبي بمرار

مقدرش اكون كبش الفدا
مقدرش اعيش بالشكل ده
هوّ الغرام لسّه ابتدا
حتى الغياب يطول كده

سنين ونا بحلم يسود
بينا الغرام زيّ الوعود
سنين ونا بحلم يعود
بينا الهيام قبل الصدود

إن كنت ناوي ع الفراق
قوللي بصراحه ليه النفاق
وان كنت ناوي ع الوفاق
هيّه المصالحه بالخناق

مدام هواك

مدام هواك صار مستحيل
هيفيد بإيه بينا الملام
مدام جفاك طال يا جميل
هيزيد بإيه يعني الكلام

هتقوللي إيه بعد البعاد
بعد الصدود بعد الضياع
هتعيد لي إيه بعد العناد
بعد الجحود بعد الخداع

هتقوللي إيه بعد الغرام
مراح وطار ويّا الرياح
هتعيد لي إيه بعد الهيام
مراح وصار شكوى وجراح

لو كان هواك فعلاً صحيح
كان من ومان شفت الحنان
لو كان لغاك أصلاً صريح
كان م الهوان عشت بأمان

يا عمّ بص بالشكل ده
درب الغرام ويّاك عسير
يا عمّ لو طبعك كده
والله الفراق أرحم كتير

فريده

يا فريده يا فريده في بهاكي فريده
إنّما يا فريده في هواكي عنيده
ليه كده يا صبيّه ليه كده يا ملاكي
ياما كنت هنيّه والدنيا معاكي

يا ترى إيه جرى لك في ليالي عديده
يا ترى إيه حصل لك تبقيتي وحيده
ليه تمللي حزينه ليه تمللي شريده
ليه تمللي سجينه في الحمى وبعيده

يا فريده وصالك بصفاكي كان آيه
إنّما ليه دلالك بجفاكي صار غايه
يا فريده يوماتي بفكر بحلاوتك
ونا برضه ليلاتي بشقّر وغلاوتك

يا فريده حقيقي أنا قلبي عليكي
وبخاف لطريقي متصلش إليكي
ده الهوى يا فريده له مزايا كتيره
والجوى يا فريده له مآسي كبيره

خلّى الكلام

خلّى الكلام عندي أمل
بعد العذاب بعد الضياع
بسّ الكلام من غير عمل
خلّى الغرام كدب وخداع

ليه خنتني وسلمتني
لليأس والخوف والضنا
من بعد ما عشمتني
بالحب والشوق والهنا

معقول تخودني بالكلام
وطير بقلبي للنجوم
وبعد مطّمن قوام
ترجع بلقبي للهموم

همّ العرب من غير سبب
سمّوا القلوب بالإسم ده
ولاّ عشان غاويه الغضب
بعد الرضى قوام كده

قلت الزمان هيكون أمان
والقلب هيعيش فيه سعيد
بسّ الهوان قبل الأوان
ضيّع حياتي من جديد

قلت الوداد بينا أكيد
هيكون شديد مهما حصل
عشان حبيب قلبي الوحيد
كالشهد كان لمّا وصل

أصل الغرام

يا عمّ انا إنسان بسيط
مملكش مال أو جاه وصيت
بسّ الغرام عندي كبير
قدّ السنين واكبر كتير

أصل الغرام إحساس نبيل
وشعور أصيل برضه وجميل
شوف كام ملك أمير وشاه
لاجل الهوى ساب مال وجاه

أمّا انت والله احتارت بيك
معرفش ليه مش نافعه فيك
كل المشاعر في الغرام
والحبّ والشوق والهيام

يا عمّ فكرك بالدهب
حتنول قوام كل ما انطلب
هيّه المشاعر بالمزاد
ولا السعاده بالوداد

لو كنت مش قدّ الهوى
أو كنت خالي كالهوا
خلّيك بقى واعي وصحيح
بالفعل والقول الصريح

عشان بجد مقدرش اميل
لأيّ حد كبره تقيل
مقدرش حتى ومستحيل
أحبّ واعشق بالقليل

ملاّح

ملاّح أنا والبحر ليّ ودود
والموج بساط تحتي بقاله عقود
سواح أنا والبدر ليّه رفيق
والنجم زاهي في السما ومضيء

ملاّح سنين ويّا النسيم والهوا
جوّه السفين مرتاح سليم م الهوى
لا في يوم بكيت من نار فراق وبعاد
ولا اشتكيت من طول حنين وسهاد

حت الحبيب في الليل ظهر كالقمر
واصبح نصيب ليّه ونديم للسحر
شفت الجمال شفت الدلال والمنى
عشت الحنان عشت الأمان والهنا

قدّ الفضا قدّ السما والبحار
عشنا الهوى من غير جوى ليل نهار
زرنا المواني والقرى ع الجبال
لسّه الخطاوي ع الثرى والرمال

بسّ الهوى طار في الهوا والمدى
لمّا الوصول حان والنزول ابتدا
قلت الوداع بسّ الحبيب اختفى
جوّه الضباب وبقول سلام اكتفى

قالت

قالت لي الحسناء مغرورةً
هل قلت شعراً قبل ان أظهرا
قلت معاذ الله إذ لم يكن
لي دافعٌ من قبل كي أنثرا
لكن قلبي منذ أن عدنه
والشعر فيه فائضٌ أنهرا
لم ادر ما ألقيت فاتنتي
حين اختلسنا بيننا النظرا
هل كان سحرا ما أصبت به
أم كان سهماً منك قد صدرا
كم ليلةٍ أمضيتها أرقاً
للبدر اشكو اليأس والضجرا
ما مرّ بي طيفٌ يشاطرني
سهدي الذي قد جاوز السحرا
حتى التقينا صدفةً سنحت
فاهتزّ قلبي حينما انبهرا
ما كان وصفٌ للورى يقنعني
حتى أنرت النجم والقمرا
يومٌ لنا جاد الزمان به
يا صاحبي ما اكرم القدرا
قد صرت من اهل الهوى عندما
شاهدت بدرا حسنه ندرا
في روضةٍ أزهارها هلّلت
والجدول الصافي كذا كبّرا
حبٌ غزا قلبي فأهلاً به
لن أشتكي حتى وإن دمّرا
ما أروع الحبّ وأغلاله
حذار أن تبلى وأن تكسرا
أسرٌ لعمري بتّ في قيده
منعماٌ بالسعد مستبشرا
من لم يذق طعم الهوى لم يعش
لا عمر إلاّ ما الهوى قدّرا
ما الحبّ إلاّ نعمةٌ يا أخي
غيثٌ يعمّ القلب كي ينضرا
فاعشق وإلاّ نحسبنّ كمن
لا يملك الإحساس والبصرا

رجعت ليه

رجعت ليه بعد مطال
في البعد سهد الليالي
رجعت ليه بعد مسال
ع الخد دمعي اللي غالي

رجعت ليه وانت ناسي
سنين غرام قلبك ليّه
رجعت ليه ولسّه قاسي
رغم الجراح اللي فيّه

رجعت ونسيت هواني
عشان عيونك يا روحي
رجعت ولقيت حناني
غلب دموعي ونوحي

قلت الحقيقه لنفسي
مدام حبيب قلبي جاني
بلاش افكر في أمسي
بلاش اضيّع زماني

بس الحبيب كان غرامه
غش وخداع من بدايته
رغم الحلاوه في كلامه
وصل بكدبه لنهايته

إن كان مرادك هوايا
بعدت ليه عن عينيّه
وان كان مرامك شقايا
سألت لي كتير عليّه

بعشق هواك

معقول كده من ده وده تسمع كلام
معقول كده مع ده وده تبعت ملام
لو يا قمر تنسى البشر واللي اتنشر
ده انت القدر خلاك قمر واحلى خبر

ليه بس تغيب وتسيب حبيب من غير حنان
ليه بس تقيد وتعود تزيد فيّ الهوان
رغم البعاد رغم السهاد بالروح معاك
رغم الفتور رغم النفور بعشق هواك

مهما بكيت من طول جفاك عمري فداك
مهما شكيت من نار قساك عندي ملاك
لو بس تقوللي يا حبيبي إنت فين
عشان اجيلك والتقيك لكن منين

معرفش ليه قلبك معايا وبس عنيد
معرفش إيه خلاك معايا وبس شديد
ده انت الحبيب اللي انقسم لي والنديم
وانت الغرام اللي انكتب لي والنعيم

لسّه فاكر

لسّه فاكر يا حبيبي
كلّ حاجه بالتفاصيل
حتى فاكر نار لهيبي
واشتياقي في المراسيل

كان غرامك عشق عمري
عشق قلبي ونور حياتي
كان هيامك سرّ صبري
سرّ حبي وكنه ذاتي

لسّه فاكر كل قعده
تحت أشجار الخمايل
برضه فاكر كل ورده
ع الجبين أو ع الجدايل

لسّه فاكر كلّ رابيه
وكلّ قصة حب جميله
برضه فاكر كلّ ساقيه
وكلّ نسمة شوق عليله

لسّه فاكر كل غنوه
وكل كلمه وكل همسه
برضه فاكر كل نشوه
وكل بسمه وكل لمسه

لسّه فاكر كل رحله
في المواني والصحاري
برضه فاكر كل جوله
في المداين والبراري

لسّه فاكر كل ثانيه
عشتها ويّاك برقّه
برضه فاكر كل ناحيه
روحتها وياك بجرأه

بس يا خساره يا قلبي
كل شيء ضاع من إيديّه
آه لو ترجع يا حبي
آه لو ترحم عينيّه

يا مقيماً

يا مقيماً في البصر كم أعاني في السفر
من حنيني المستعر كاللجين المنصهر
يا حبيبي كالوتر أو كضوءٍ منكسر
صرت أبدو في السمر في البيادي والحضر

أين مني يا قدري وصل شوقٍ للسحر
بين وردٍ أو شجر تحت نجمٍ أو قمر
ما تبقى للنظر في الليالي والسهر
غير ماضٍ مختصر في الهدايا والصور

فادن مني يا قمري دون ريب أو حذر
دون خوفٍ من خطر أو كلامٍ أو خبر
جد بوصلٍ كالمطر في القريب المنتظر
فيه بعثٌ للشجر والصحاري والبشر

كن قوياً

يا حبيبي كن قوياً كن صبورا
إن غدا سرّ الهوى يوماً جهورا
لا تظنّ السرّ قد يبقى دهورا
إن يدم شهرين أو حتى شهورا

أينما نمشي الهوينا أو نكون
حولنا همسٌ وغمزٌ وعيون
هل تشي الطيار أو تحكي الغصون
أم ترى الأزهار عن حقد تخون

يا حبيبي لن ترى يوماٌ سلاما
من عذولٍ لم يذق أصلاً غراما
كيف تبغي الحبّ أيضاً والهياما
من حسودٍ يملأ الكون ملاما

يا حبيبي كلّ سرٍ سوف ينقل
إن تعجّل كشفه أو إن تأجل
من سيدري قد يكون الكشف أفضل
فالتلاقي قد يكون الآن أسهل

نار غرامك

يا حبيبي نار غرامك
من جديد أحيت كياني
حتى أحيت مع هيامك
روح شباب قلبي وزماني

يا حبيبي من حنانك
إبتديت اعشق حياتي
وابتديت بس في زمانك
أستعيد حبي لذاتي

يا حبيبي صرت اعشق
بعد حبك يوم ميلادي
قبل حبك لو تصدّق
كنت بعشق ليل سهادي

بسّ لمّا النور هداني
للعيون الحلوه ديّه
صار زماني بالأماني
حلو من تاني بعينيّه

حتى شفت الحب اكبر
م الوجود ده وانت حمبي
والحياه والدنيا أصغر
م السعاده جوّه قلبي

في ناس

في ناس كتيره للأسف
حاسده البشر من غير سبب
حتى اللي بينا من شغف
صار يتحسد والله عجب

ياما اتنشر ياما انحكى
عن حبنا كلاك كتير
بسّ العذول مهما اشتكى
لسّه الغرام بينا كبير

معرفش ليه نقل الخبر
عند البشر صار شيء مباح
حتى ولو سبّب ضرر
للبعض منا أو جراح

يا نور عيوني انسى الملام
وانسى النميمه والعذاب
طول ما الغرام هوّ الغرام
ملناش ملامه أو عتاب

إصبر حبيبي ع الحسود
واقرأ عليه سورة الفلق
واصبر تمللي ع الحقود
ده الشرّ في الناس اتخلق

يا دون جوان

يا دون جوان اسمع بقى
مش كل طير لحمه طري
هجر وجوى غدر وشقا
من ده الهوى قلبي بري

يا عم بص ملّيت غزل
مليان خداع وزيف كتير
ملّيت كمان من غي زعل
إنسان لكبره صار أسير

يا عم شوف لك أيّ حد
يعشق عينيك بكلمتين
يا عم مين قال لك بجد
هنده عليك ببسمتين

يا عم لو شهد الكلام
مقدرش احب مقدرش اميل
ده الحبّ عندي والغرام
أكبر من المدح الجميل

يا عم ليه قلبك عنيد
ملوهش بالحب والحنان
يا عم فكر من جديد
بلاش غرور ونفور كمان

اعتراف

يا حبيبي لا تلومني بل أعنّي
قد كشفت السرّ قهرا غصب عنّي
لا تسلني أي شيءٍ لا تدعني
عرضة للنيل من قلبي ومنّي

يا حبيبي ليس في الأشواق عار
لا ولا في الحبّ عيبٌ أو شنار
يا حبيبي ليس للخوف اعتبار
في الهوى أصلاً ولا عنه اعتذار

يا حبيبي أنت مثلي في الغرام
قد حرمنا الوصل حسّاد الأنام
يا حبيبي كفّ عن هذا الخصام
كفّ أيضا عن عتابي وملامي

يا حبيبي بالوئام والوداد
لن يغيب الحبّ يوما عن فؤادي
إنّما بالبعد عني والعناد
سوف يحظى الحاسدون بالمراد

يا حبيبي انت خلّي ونديمي
مثلما انت جليس في نعيمي
لا تدع رحماك خصمي أو غريمي
يحرم الأيام من خلٍ حميم

انتظار

يا حبيبي بانتظارك
داب فؤادي وضاع شبابي
بسّ برضه باعتذارك
مش هتبرد نار عذابي

جود بوصلك حتى تصفو
من جديد أيام حياتي
جود بحبك حتى أعفو
وانسى أحزاني وآهاتي

يا حبيبي مش هتمسح
بالكلام همّي ودموعي
مش هتشفي بل هتجرح
بالبعاد قلبي وضلوعي

يا حبيبي ازاي هداري
عن عيون الناس غرامي
ده المكان نوّر بناري
والزمان حسّ بألامي

يا حبيبي ارحم حنيني
واشتياق قلبي لعيونك
ده الوجود ضجّ بأنيني
والسنين ضاعت بدونك

يا حب عجيب

يا حب عجيب أمر الحبيب
دايما بعيد عني وغريب
بشتاق إليه وخاف عليه
بسّ بلقاه ملناش نصيب

يا حب لك على الأمير
قبل الفقير سلطان كبير
ياما سحرت ياما أسرت
إشمعنى بس قلبي الأسير

يرضيك أعيش في الكون وحيد
من غير حبيب لو من بعيد
يرضيك أسير دربي العسير
حيران حزين سرحان شريد

ليه بسّ ابات من غير جليس
ليه بسّ انام من غير أنيس
ده الليل شجون يأس وظنون
طول ما الفؤاد جواه حبيس

يا حب ليه طبعك عنيد
مع انّي دايما لك مطيع
يا حب إيه خلاّك تزيد
همّ وعذاب قلبي الوديع

يا عمنا

يا عمنا لقصتي
محتاج لحل جذري وسريع
عشان حرام دي فرصتي
هتروح قوام مني وتضيع

يا عمنا قلبي عشق
إنسان غريب عن حيّينا
بسّ الجميع رافضين عشق
واحد غريب مش زيّينا

يا عمنا ده من زمان
والعرف والعاده هنا
بسّ القريب وابن المكان
هوّ اللي يتقدّم لنا

يا عمنا إيه ذنبنا
لمّا الهوى يلعب بنا
يا عمنا بحبنا
ملناش دليل غير قلبنا

يا عمنا ليه بس نكون
للعرف والعاده عبيد
وليه نعيش من غير عيون
تعشق كما توى وتريد

أين

يا حبيبي الأصدقاء
اين كانوا أين فلّوا؟
يا حبيبي الأقرباء
أين كانوا ثمّ صاروا؟

قد تخلّى القوم عنك
بعد كبوٍ ةانتكاس
قد تناسوا كيف منك
قد تدانوا بالتماس

ما تبقى كي يردّ
الكيد عنك غير حبي
ما تصدّى وتحدّى
النيل منك غير قلبي

يا حبيبي في الحياة
إنتكاسات كثيره
والحياة للممات
بالصراعات كبيره

فادن مني يا حبيبي
إنني بالحبّ صادق
وارض عني ما نحيبي
إلاّ مرآة لعاشق

اقرأ في عينيك

أقرأ في عينيك يا حبيبتي
أشياء لا أفهم حقاً أمرها
عشقٌ وشوقٌ ما بدا لي يا ترى
أم أننّي أجهل أيضاً سرّّها

يا حلوتي بالرغم من عشقي لها
فالعين قد تخفي بخبث ٍ غدرها
كم من عيون ٍ خلتها شفافةً
لكنّها أخفت بقصد ٍمكرها

وكم سواها غازلت وأوقعت
في الحبّ قلبي حين ألقت سحرها
لكنّه منها جميعاً لم ينل
رغم الوعود الكثر إلاّ أسرها

كيف أعي من بعد هذا كنهها
وكيف لي أن أجيدنّ سبرها
كم من معان ٍ مبهماتٍ حولها
كالموج تهوي ثمّ تعلو بحرها

لو كان شوقاً ما أراه أو هوىً
فالحقّ يقضي أن تجافي كبرها
أمّا أنا فالعشق أمرٌ واقعٌ
سيّان أبدت حلوها أم مرّها

لست أدري

لست أدري يا حبيبي
حينما هيّجت حبي
صرت حقاً من نصيبي
أم ترى ضيّعت عمري

كيف تسعى لوداعي
قبل أن تأتي لوصلي
كيف ترضى بخداعي
بعد أن أصبحت خلّي

ما الّذي تخشاه مني
لا تخف قل ما تشاء
إن حكى العذّال عني
قل لهم هذا هراء

قد وعدت القلب عشقا
فيه ودٌ وحنان
لو بحق ٍ قلت صدقا
ما غزا قلبي الهوان

هل تظنّ الحبّ وعداً
كاذباً دون اشتياق
أم ترى قد صار عهدا
للرياء والنفاق

كلّ ما أرجوه قلبا
صادقا قولا وفعلا
لست أرجو منك حبا
زائفا أصلا ً وشكلا

انت في عقلي

أنت في عقلي وقلبي
في سهادي أو منامي
منذ أن هيّجت حبي
واشتياقي واحترامي

يا حبيبي سل دموعي
بعد أن جفّت لديّا
كيف أنمت في ضلوعي
حبّك الغالي عليّا

هل رأى الحب حبيبي
عاشقا مثلي شغوفا
بعد أن صرت نصيبي
صرت عن أمسي عزوفا


من صباح ٍ لمساء
دائم التفكير عقلي
لست أرجو من سمائي
غير أن تصبو لوصلي

لم أعش من قبل حبا
هائجاً كالبحر فيّا
لم أجد في الناس قلبا
صافياً كالمزن ليّا

يا إلاهي صن غرامي
من عيون الحاسدينا
واحمني واحفظ هيامي
من قلوب الحاقدينا

غريبه

أنت اللي زعلان غريبه
ده نا اللي من حقي أزعل
وانت اللي تقلان عجيبه
أنا اللي من حقي أتقل

مين فينا بس هوّ الغلطان
مين فينا بس هوّ القاسي
أنا اللي قلبي سنين عشقان
ولاّ اللي قلبه سنين ناسي

لو قلت لك حاجه في قلبي
مش قادره أكتر تتأجل
تزعل قوي وتقول حبي
معادش خالص زي أوّل

لو جيت اصالحك في الهاتف
بتقفل السكه في وشي
ولو بقى شفتك واقف
على الرصيف قوام تمشي

فين راح كلامك يا عمري
عن المحبه والإخلاص
إزاي بثانيه ومن بدري
أصبح كلام بدون إحساس

فين الغرام اللي ياما
حكيت لي عنه بروّيه
دلوقتي كلّ الملامه
في الحب صارت عليّه

لو يوم حصل وجرحتك
من غير مقلبي كان قاصد
ياما انجرحت وسامحتك
مع إن جرحك كان جامد

عيناك

عيناك في كلّ مكان ومكان
تلاحقانني وفي كلّ أوان
أكوكبان حول قلبي يلمعان
أم نيزكان حوله يشتعلان؟

عيناك يا نور حياتي زورقان
بين الجمال والخيال تبحران
كم تسعدان القلب حين تدنوان
وكم تؤرقانه لو تنأيان

عيناك ما أصلهما فيروزتان
ياقوتتان أم ترى لؤلؤتان
من تاج سلطان أتت أو صولجان؟
لا بل هما معجزتا هذا الزمان

عيناك يا حبيبتي رمز الحنان
رمز الوداد والغرام والأمان
أيّا تكونان فحتى الهذيان
قد أوصلاني ألهذا تسعيان؟

إن كنت قاصد

إن كنت قاصد بالكلام
يا نور عيون قلبي الخصام
أو كنت قاصد بالملام
بسّ الملاوعه في الغرام

اتقل وخاصم يا جميل
وازعل كمان من غير دليل
أمّا أنا فمستحيل
أعشق وحب بعدك وميل

هنده عليك واسأل عليك
واتمنى أحيا بين إيديك
هشتاق إليك واحتاج إليك
مهما بعدت وحياة عينيك

مش كلّ يوم في حال أنا
تروح هناك وجيك هنا
هوّ الغرام سعد وهنا
ولاّ الغرام بعد وضنا

تعّبت قلبي ليه بهواك
ضيعّت عمري ليه بجفاك
إكمني عشقان نور بهاك
تحرم عيوني من لقاك

من غير معاد

من غير معاد بينا وخبر
صدفه تقابلنا يا قمر
هوّ النصيب ولاّ القدر
خلاني اقابلك في السفر

لحظة لقاك قلبي انبهر
معادش ملكي ده انسحر
أمّا هواك فده غمر
قلبي وروحي كالمطر

ياما انكوى قلبي وصبر
ياما انشغل بك وانتظر
ياما اشتكى ياما انكسر
م الوجد والشوق والسهر

يا نور عيوني ما خطر
ع البال اشوفك في السمر
زيّ النسيم لمّا انتشر
فوق الروابي والشجر

خدني الهوى بالمختصر
لمّا القمر بصّ ونظر
ياما الهوى ع الناس أمر
من قبل مني وانتصر

يعني إيه

يعني إيه ملناش نصيب في بعضنا
يعني إيه حبّ السنين ضاع منّنا
فين نذورنا فين قسمنا وعهدنا
ليه كده بالعند غابوم عنّنا

يجرى إيه لو بسّ نتازل سوى
يجرى إيه لو كلّ واحد تاب بقى
في الغرام والحب والشوق والهوى
مستحيل ميكونش قسوه أو شقا

يا حبيبي بصّ لي واسمع كلام
قلب عاشق من زمان هدّه الحنين
ليه تضيّع بالمكابره والخصام
حب عايش جوّه قلبي من سنين

يا حبيبي لوعنادك زاد وطال
والفراق أصبح نصيبنا للأبد
برضه صورتك هتقابلني في الخيال
ده الخيال سلطان لذاته مش لحد

مش هقول لك بكره هنساك يا جميل
والزمن هوّ الكفيل والمستعان
طول مقلبي ونبضه عايش مستحيل
لو للحظه أنسى حبك مهما كان

شايلك

شايلك في قلبي وصدري
مهما الزمان طال وعدّى
شايلك في عقلي وفكري
رمز الحنان والمودّه

حبك في كفّه يا عمري
والكون بحاله في كفّه
حسنك فيه رقّه يا بدري
والظلّ برضه فيه خفّه

يا أغلى من روحي عندي
وأحلى م الدنيا ديّه
عهدٍ عليّه يا وعدي
هفديك في قلبي وعينيّه

كرمال عييونك وقلبك
هبيع حياتي ورخيصه
هيّه الحياه بدون حبك
إزاّي حتبقالها هيصه

وحياة جمالك يا حبي
وسنين وصال قلبك ليّه
هصون غرامك في قلبي
مهما الزمان عمل فيّه






يعني إيه

أنت في قلبي

لا تقل لي يا حبيبي
أين تأوي أو تقيم
أنت في قلبي وعيني
طالما أحيا مقيم
لا تقل أين تغدو
أو تروح أو تهيم
طالما أنت الخليل
والحبيب والنديم

أينما كنت حبيبي
في البحار والقفار
أنت في فكري وعقلي
أنت في بيتي وداري
هل يغيب البدر يوماً
عن مسارٍ أو مدار
أو يصير اليوم ليلاً
دون ضوءٍ من نهار

لا تظنن حبيبي
بعد هجرٍ أو فراق
سوف يخبو ما في قلبي
من لهيب الإشتياق
أنظر الساعة عمري
بعد هجرٍ وافتراق
كيف أنّ العقربين
يرجعان للتلاقي

نحن صنوان حبيبي
في الغرام والحنان
لم ير التاريخ حباً
مثلنا مدى الزمان
لست أبغي غير عيش ٍ
في سلام ٍ وأمان
دون ذل ٍ لكلينا
أو عذاب ٍ أو هوان

كلّ ما اشتاق

كلّ ماشتاق لك حبيبي
ولاّ أحتاج لك شويّه
فجأه ألقاك يا حبيبي
من جديد قدام عينيّه

هوّ إيه يعني الشعور ده
ولاّ ده الإحساس يا ربي
حاسه سادسه ولا واحده
من آياتك جوّه قلبي

كلّ ما تخيّل وقوفك
جمب مني بتناجيني
بعد لحظه اسمع وشوفك
بتشاور لي وبتناديني

كلّ ماحلم بيك وفتّح
ولاّ افكّر فيك دقيقه
قبل ماصحى الحلم يصبح
يا حبيبي بجد حقيقه

يا حبيبي في كلّ ثانيه
إنت أقرب ليّه مني
حتى وانت في ناحيه تانيه
مش هتبعد برضه عني

لو خطر ع البال خيالك
ولاّ زاد وجدي وشجوني
كنت هتجود لي بوصالك
قبل متغمض عيوني

ملكش حق

ملكش حق من أيّ حد تغير بجد
عشان هوايا وحبي لك ملهومش حد
ملكش حق غير بسّ من نفسك تغير
عشان لوحدك بعشقك وبكل ضمير

من منين تغير وليه تغير ونا بهواك
مغرم سنين وبنور جمالك وبهاك
حق القمر منك يغير قبل البشر
عشان جبينك لسّه أجمل م القمر

يا نور عيون قلبي أنا بشتاق إليك
من قبل حتى ما المحك واعشق عينيك
في الحلم شفتك كلّ ليله وفي النهار
ياما وصل طيفك خيالي وياما زار

بعد الكلام ده يا قمر معقول تعيش
محتار وخايف واغلى من حبك مفيش
إفرح وفرّح ياقمر قلبي بلقاك
دي العيشه حلوه والنبي بسّ في حماك

بلاش تقول

بلاش تقوللي بموت فيك
لمّا تلاغيني ولاغيك
يا ريت تقوللي بعيش بيك
لمّا تناجيني وناجيك

يا نور عيوني حنانك
حطّ الوجود سرّه فيه
والحبّ لو راح زمانك
لسّه الحياه ماشيه بيه

ياما الزمان فات وعدّى
وانت وغرامك ع بالي
ياما الفؤاد بالموده
عاش وانتصر ع الليالي

يا نور عيوني غرامنا
قصه وحكايه جميله
هتعيش بشوقنا وهيامنا
مدى الليالي الطويله

ضحكت الدنيا

ضحكت الدنيا حبيبي
وابتسم ليّه زماني
لمّا صار حبك نصيبي
والجمال خدني وسباني

ضحكت الدنيا لقلبي
يا حبيب قلبي وعيوني
والأمل نوّر ع دربي
بعد ما انزاحت ظنوني

ياما قلبي بات ليالي
يشتكي من نار غرامه
وانت خالي وغير مبالي
بانشغاله أو هيامه

بسّ لمّا اشتأقت ليّه
والغرام داعب خيالك
من عبير الودّ فيّه
ألف مرسال مني جالك

يا حبيبي عيش معايا
للأبد واسعد بحبي
ده انت عشقي وهوايا
والحياه طول ما انت جمبي

فين زمانك

كلّ يوم يا نور عيوني
من بعيد بلمح عيونك
كلّ يوم وبشوق جنوني
بستعيد أيام وصالك

يا حبيبي من حنيني
واشتياقي عايز اجيلك
بسّ بين شكّي ويقيني
تاه سبيلي عن سبيلك

فين زمانك يا حبيبي
فين حنانك وحلاوتك
ليه كده خليت نصيبي
نار بعادك وقساوتك

يا حبيبي جمب منك
عشت أجمل وقت ليه
بسّ وجدي وبعدي عنك
طيّر النوم من عينيّه

لو بإيدي كنت هنساك
زيّ ما انت نسيت هوايا
إنّما الروح لسّه فاكراك
رغم وجدي وطول شقايا

يا حبيبي ازاي ضميرك
قسّى قلبك يوم عليّه
ده انت قبله كان مصيرك
مرتبط بيّه وفيّه

كلّ ما اشكيلك

كلّ ما اشكيلك شجوني
يا حبيب قلبي وعيوني
تقسى وتغيب عنّي أكتر
حتى يصبح شوقي أكبر

لأ مفيش يا عمري حاجه
للغياب أو أيّ حاجه
ده الحنين والشوق في قلبي
حتى لو فضلت جمبي
يا حبيبي مهما تتقل
ولاّ تهجر ولا تزعل
مش بإيدي يا حياتي
أنسى حبك وانت ذاتي

مش بإيدي حتى احاسبك
ولا الومك ولاّ اعاتبك
حبي لك هيعيش معايا
رغم ظلمك يا منايا

قسّي قلبك يا حبيبي
مش راح ازعل من نصيبي
بسّ عايزك تفتكرني
وانت قاعد تنتظرني

معجزه

يا عمري حبك معجزه
في الوقت جاتني منقذه
من بعد ما قلبي كفر
بالحبّ والشوق والبشر

خليك معايا يا قمر
مهما الزمن طال والسفر
معادش فيّه اعشق وميل
من بعد حبك يا جميل

وهبت قلبي للغرام
والحب والشوق والهيام
حبيت كتير وشقيت كتير
لحدّ ما رضيت في الأخير

ياما انظلم قلبي وتاه
في البحث عن حبه وهواه
حتى النصيب ولاّ القدر
بعث لي حبي المنتظر

حبك يا عمري كان منى
قلبي وروحي كام سنه
يا ريت يا أجمل حب كان
قابلت حبك من زمان

عدّيت عليه

عدّيت عليّه يا جميل
من بعد غربه وليل طويل
عدّيت عليّه من سكات
كأنّي لسّه في الشتات

لا رجعت ليك مليان حنين
ولا حلمت بيك طول سنين
رجعت ليه يعني أنا
إن كنت هتسيبني هنا

سنين ونا بشقى عشان
نقدر نعيش سوى بأمان
بسّ انت يا خساره نسيت
إني عشان خاطرك شقيت

غدرت بيّه وخنتني
وبعت حبي وبعتني
مكانش أولى تنتظر
لحدّ مرجع مقتدر

فضلت مال عني ودهب
لو بالحرام كان مكتسب
الله يسامحك ده الغريب
كان والله أرحم م الحبيب

قبل المكابره

قبل المكابره والغرور
والهجر ليّّه والنفور
قبل الملاوعه والعناد
والغدر بيّه والبعاد

كنت الحبيب رمز الوفا
رمز المحبه والصفا
كنت النصيب لحن الغزل
لحن الموده والأمل

قبل الخصام قبل النوى
عشنا الغرام عشنا الهوى
بسّ العذول الله يجازيه
صعب عليه اللي احنا فيه

كان يجرى إيه لو ملت لي
ورجعت ليّه وقلت لي
مين غيري كان يسأل عليك
مين غيري كان يشتاق إليك

ظلمت روحك ليه كده
هوّ الغرام بالشكل ده
سمعت ليه بس للعذول
ونسيت غرامي والأصول

كان قلبي لك

كان قلبي لك وعقلي لك
وعمري كان بسنينه لك
كان عهدي لك ووعدي لك
وودي كان بصدقه لك
بسّ انت رحت من غير وداع
ونا اللي تهت في سنين ضياع

دلوقتي بس بعد السنين
للحيّ جاي مليان حنين
طب كنت فين أيام زمان
لمّا اشتكيت مرّ الهوان
وكنت فين لمّا الدموع
ع الخد سالت كالشموع

فكرك أنا هشتاق إليك
بعد الوداد مهان عليك
فكرك بنظره من عينيك
هرجع وهركع بين إيديك
لأ يا حبيبي فوق بقى
عهد الركوع راح والشقا

معرفش إيه خلاك تعود
غدر الزمان ولاّ الوجود
معرفش ليه حتى أنا
بعدت أصلا ً كام سنه
مهما العذر كان والسبب
ملّيت هواك إيه العجب

لو قلبي فكّر

لو قلبي فكّر وخبّى عنك
كان قلبي وفّر جراحه منك
إكمني عاشق تقلان عليّه
واكمني صادق بتشكّ فيّه

لأ يا حبيبي خلّيك في حالك
منتاش نصيبي لو مش ع بالك
معادش تنفع بينا المعادله
معادش تشفع إلاّ المقابله

معقوله أسهر عشان عيونك
وبات افكّر وعيش بدونك
إزاي هتنصف وازاي هترحم
من غير متعرف أو حتى تفهم

يا عمّ ياما قلبي شرح لك
في الحب كرامه مين كان سمح لك
تجرح شعوري من غير مناسبه
لو كان قصوري ملناش معاتبه

نظرة ولمسه

نظرة عينيك البريئه
نسّتني ذلّي وهواني
ولمسة إيديك الجريئه
هزّت لي عمري وكياني

تقولش سحر في نظراتك
من غير إرادتي سباني
والله الهوى في لمساتك
من غير درايتي رماني

بنظرتك يا حبيبي
ريحتني من عذابي
وبلمستك يا نصيبي
رجعتني لشبابي


بنظرتك فتّح قلبي
من بعد غفوه تقيله
وبلمستك نوّر دربي
من بعد ظلمه طويله

بنظرتك شفت الدنيا
حلوه وجميله في عينيه
وبلمستك عشت في ثانيه
في دنيا تانيه غير ديّه

بنظرتك شفت الطرحه
قدام عينيه بتلالي
وبلمستك قلت الفرحه
والدنيا رجعت تحلالي

مستني

قلبي الحزين يا حبيبي
مستني لحظة رجوعك
مستني م الشوق لهيبي
في الليل يقيد شموعك

مستني ترجع بقربك
أفراح غرامنا وهيامنا
مستني تمسح بحبك
أحزان فراقنا وخصامنا

يا نور عينيّه دخيلك
تعبت من طول بعادك
لو كان عليّه أجيلك
من بدري كرمال ودادك

بسّ انت يا خساره ناسي
أيام جميله وسعيده
هوّ انت بالطبع قاسي
ولاّ المكابره شديده

يا عمري إرجع وكفايه
ضيّعت قلبي وقلبك
ده لكلّ شيء حد ونهايه
حتى الملاوعه في حبك

كلّك ذوق

كلّك ذوق يا حبيبي
كلّك رقّه وحنيّه
كلّك ذوق يا نصيبي
من زمان لسنين جايّه

كلّك ذوق والذوق زوّق
أيامي عمري بغرامك
كلّك ذوق والذوق حقق
أحلام قلبي بهيامك

كلكّ ذوق يا مسلّيني
يا اللي بحسنك ساحرني
كلّك ذوق يا مهنّيني
يا اللي بحبك آسرني

كلّك ذوق بكلامك
لمّا تجيني وتحكيلي
كلّك ذوق بملامك
حتى ان جيت تشكيلي

كلّك ذوق وانت قاعد
تسمعني وتلاغيني
كلّك ذوق وانت واعد
ترجع لي وتلاقيني

كلّك ذوق وانت غايب
وبتسأل تاني عليّه
كلّك ذوق وانت دايب
م الأشواق دايماً ليّه

مش هقول لك

مش هقول لك يا حبيبي
إن قلبي بيك متيّم
مش هقول لك لو لهيبي
ع الخدود أثّر وعلّم

مش هقول لك يوم بحبك
ياحبيب قلبي وعيوني
حتى أسمع قبله قلبك
يعترف لي بحب جنوني

مش هقول لك إنت روحي
وانت قلبي وانت عمري
مهما طال سهدي ونوحي
ولاّ طال وجدي وصبري

مش هقول لك إنّك انت
نور حياة قلبي وعينيّه
حتى لو معرفش إمتى
راح تحن وتخاف عليّه

يا حبيبي كنت ناوي
من زمان احكي وقول لك
بسّ قلبك شفته غاوي
ذلّ قلبي سنين بتقلك

يا دنيا

يا دنيا غنّي وزغرتي
من بعد غربه وشوق طويل
عشان حبيبي ومهجتي
قرّب معاد وصله الجميل

يا قلبي قوم واصحى بقى
وافتح عيونك ع الحياه
بالحب والشوق واللقا
هتعود لمجراها المياه

يا قلبي طير وانسى الجراح
وافرد جناحك من جديد
بكره الوصال ومن الصباح
حيخلّي يومك أحلى عيد

يا قلبي غنّي للقمر
واملا الوجود حب وحنان
بلاش نلوم تاني القدر
ولاّ البشر ولاّ الزمان

يا قلبي من دلوقتي عيش
وافرح ونول كل المرام
ده من النهارده لأ مفيش
غير بسّ أفراح الغرام

مش هتقدر

يا حبيبي مهما تزعل
مش هتقدر تنسى حبي
برضه قلبك مهما يتقل
مش هيقدر يسلى قلبي

كلّ شيء في الدنيا جاير
يتنسي من ذكرياتك
كلّ شيء لو كنت عايز
إلاّ حب سنين حياتك

ياما قبلك حدّ فكّر
ينسى حبه الأوّلاني
مهما فكّر مش هيقدر
غيرش بس يفتكره تاني

فكرك انت بالبساطه
تبتعد وتعيش بدوني
ولاّ يلزم لك وساطه
حتى تفرح بيك عيوني

يا حبيبي والله رايدك
حتى لو ضيّعت عمري
مش هعاندك ولا كايدك
للكريم فوضت أمري

برضه عاشقك

مهما تزعل مهما تبعد
مهما تتقل مهما تعند
مهما تنسى ومهما تهجر
مهما تقسى ومهما تغدر
اللازمه
مش هلومك مش هعاتبك
ولاّ حتى في يوم هحاسبك
فيش بإيدي غير اسامحك
يا حبيب قلبي وصالحك

مهما توعد مهما تحلف
هتقابلني ثمّ تخلف
مهما أسمع من وشايه
عن برود قلبك معايا
اللازمه
مهما أشكي من جنونك
ولاّ أبكي من ظنونك
مهما يخدعني كلامك
عن هيامك وغرامك
اللازمه

عود حبيبي

يا حبيبي آه لو تأتي إليّا
قبل أن تقضي الوشايات عليّا
يا أعزّ الناس في الدنيا لديّا
عد رجاءاً مثلما كنت نديّا

يا حبيبي بعد شوق ٍ دام عمري
ما الّذي تبغيه من صدي وهجري
هل من المعقول يا شمسي وبدري
أن تريد اليوم بعد الوصل هجري

يا حبيبي كنت أرجو أن تراعي
عهد حبي باندفاع ٍ واقتناع
ليس أن تسعى لما فيه ضياعي
دون عذرٍ يا حبيبي أو وداع

يا حبيبي إنظر الأيام تجري
في سكون ٍ دون أن أدري وتدري
هل من الإنصاف أن تجري بعمري
دون أن تدري بأحوالي وأمري

مرّت سنه

مرّ سنه وجات سنه
وانت وانا لسّه في خصام
والله حرام بعد الهنا
والشوق هنا تنسى الغرام

يعني اللي كان ويّاك ده إيه
وهم وخيال أو كان بجد
لو كان غرام ضاع بسّ ليه
ولاّ العناد فاق كلّ حد

عملت إيه قوللي بقى
حتى الفراق طال والبعاد
هوّ الغرام غلب وشقا
ولا انت بس غاوي العناد

معرفش ليه أصبح غريب
أمرك معايا يا قمر
من بعد ما كنت الحبيب
وكنت أغلى م البصر

حبيت هواك وانت كمان
بادلتني نفس الشعور
راح فين بقى الحب والحنان
وليه ابتدا الصد والنفور

ساعات لوحدي يا جميل
بحتار وبتسائل كتير
إزاي وليه صار مستحيل
بينا الوصال فين الضمير

ملناش نصيب

ملناش نصيب في الحب يا ناس
ملناش نصيب
بعد الحنين والشوق سنين
باعني الحبيب
خلاص بقى ملناش أمل
في الحب يا ناس
يبدو الشقا في الحبّ صار
هوّ الأساس

يا دنيا إيه صار للبشر
حتى القلوب
معادش تعرف بعضها
غير بالحروب
هوّ الغرام يا ناس حرام
ولاّ الفلوس
هيّه اللي صارت تشتري
حتى النفوس

يا دنيا فين عهد الهوى
والحب راح
ليه الوفا أصبح جفا
والشوق جراح
معقول مزايا الحبّ راحت
واختفت
والناس خلاص بس بالمصالح
اكتفت

إن كان كده خلاص بقى
أفضل نتوب
بلاش نضيع ونتوه كمان
بلاش ندوب
يعني الغرام لو كان عذاب
هيفيد بإيه
ولاّ الحبيب لو عاش غريب
هيجيلنا ليه

نفسك تقوللي

نفسك تقوللي بحبك
من بدري بدري وتمللي
بس المكابره في قلبك
هيهّ اللي مانعاك تقوللي

يا عمّ قرب وصارح
بلاش تضيّع شبابي
يا عمّ جرب وفاتح
حرام تزوّد عذابي

يا عمّ والله في عيونك
شايف المحبه والأشواق
بسّ المخاوف وظنونك
كابته المشاعر في الأعماق

يا عمّ والله بريدك
والحب راسخ في قلبي
بسّ المكابره هتفيدك
بإيه عشان ارضى بغلبي

يا عمّ نفسك تحكيلي
عن ليل سهادك واشجانك
نفسك تجيني وتشكيلي
عن نار غرامك واحزانك

يا ريت تقوللي

يا ريت تقوللي يا قمر
لمّا الحبيب ينسى الحبيب
ذنب الغرام ولاّ البشر
ولاّ احنا فيك ملناش نصيب

يا ريت تقوللي انت ليه
خليت سهاد عيني طويل
هو احنا يعني قلنا إيه
حتى البعاد طال يا جميل

لمّا انت مش قد الغرام
ميّلت قلبي ليه إليك
ولاّ الغرام عندك حرام
حتى بسهوله هان عليك

يا عمّ حتى لو سراب
الحب عندك قول كده
عشان خلاص ملّيت عذاب
هوّ الغرام بالشكل ده

حبيت هواك لحظة لقاك
وكان هواك عشقي الوحيد
معرفش ليه خليت جفاك
حظ ونصيب قلبي الشريد

لست أدري

لست أدري يا حبيبي
كيف تغفو في الليالي
دون وجدٍ أو شجونٍ
أو حنينٍ للوصال
اللازمه
أي عهدٍ يا حبيبي
خنته حتى أعاني
من بعادٍ دون حق ٍ
أو عذابٍ أو هوان

لست أدري كيف تصحو
كلّ يوم في الصباح
راغباً في العيش دوني
بلا وهاوٍ للمزاح
اللازمه
لست أدري كيف تقضي
وقتك العادي المملا
دون أن تسعى لوصلٍ
يبعث الحبّ الأهما
اللازمه
لست ادري كيف تلهو
في الليالي وتسامر
ثمّ تغفو كالرضيع
ثمّ تصحو كي تفاخر

طال بعادك

يا حبيبي طال بعادك عن عينيّه
رغم إنك والله أغلى الناس عليّه
يا حبيبي يجرى إيه لو يوم شويّه
حسّ قلبك بالحنين ورجعت ليّه

ده الخصام والهجر بينا مهما طوّل
لسّه حبك جوّه قلبي زيّ أوّل
حتى حبك كلّ يوم عمّال بيكبر
والحنين عمّال يزيد اكتر وأكتر

يا حبيبي فكرك انّي حنسى حبك
فكرك انّي حقسى زيّك آه يا قلبك
إنسى واقسى يا حبيبي للنهايه
بس هقول لك يا حبيبي م البدايه

بكره لمّا الشوق يهزّك يا حبيبي
راح تجرّب نار عذاب قلبي ولهيبي
ليه بتنسى ليه بتقسى مين هيسمع
في الليالي شكوتك وإيه هيشفع

بشتاق لك

من بعيد بشتاق لك انت
يا حبيب عمري وزماني
من بعيد بنده لك امتى
من جديد هتعود لي تاني

يا حبيبي نفسي اشوفك
نفسي اضمك بين إيديه
يا حبيبي خلّي طيفك
ع القليل يسأل عليّه

مهما تزعل يا حبيبي
ومهما تتقل قلبي مغرم
حتى لو طوّل نحيبي
وقاد لهيبي مش هيندم

ده انت روحي وانت عمري
وانت حب قلبي الجنوني
وانت شمسي وانت بدري
مهما تبعد عن عيوني

بسّ آه لو مرّه تفتح
يا حبيبي ليّه قلبك
حتى أعرف ليه بتجرح
بالبعاد قلبي اللي حبك

إبعد وروح

ابعد وروح وغيب سنين
وانسى الغرام وانسى الحنين
أمّا أنا حفضل أنا
مهما العذاب طال والضنا

مقدرش ماشتاقش إليك
أو حتى أزعل يوم عليك
ده الحبّ والشوق يا جميل
م القلب شيلهم مستحيل

يا عمّ تقدر تفتري
وتبيع غرامي وتشتري
بسّ الغرام هوّ الغرام
والحبّ عندي والهيام

يا عمّ قلبي في الهوى
مخلص ولو طال النوى
يا عمّ حتى لو تغيب
مليون سنه برضك حبيب

يا عمّ عندي الحب جد
مش أي كلام يتقل لحد
في القلب دايما راح يعيش
كالسيل وبرضه راح يجيش

يا قلبي طوف

يا قلبي طوف ويّا الحبيب
واسمع وشوف أجمل غرام
بعد العذاب جالنا النصيب
والحلم صار جد يا سلام

يا قلبي عيش وافرح بقى
وطير ورفرف في الفضا
مهما العذاب طال والشقا
ويّا الحبيب راح وانقضى

يا حب عمري يا قمر
يا اللي الزمان ويّاك جميل
دلوقتي لمّا الشوق أمر
معادش وصلك مستحيل

دلوقتي بس وحنا سوى
حضن الهوى هيضمنا
دلوقتي بس من غير جوى
هنعيش سنين مع بعضنا

دلوقتي بس محتاج اقول
قف يا زمان بلاش تدور
حتى الغرام والشوق يطول
أيام كتيره بل عصور

أرجوك

متقولش أرجوك نسيتك
ونسيت غرامك وحبك
ونا اللي أصلا ًهويتك
وفضلت ويّاك وجمبك

بس الغرور يا حبيبي
والكبر قسوك عليه
مع إني ظنيت نصيبي
ويّاك حيطول شويه

يا نور عيوني عشانك
نسيت صحابي وقرايبي
مع إني قلت بحنانك
حتسد مسد كل حبايبي

هو الغرام في الزمان ده
صار أيّ حاجه والسلام
إن كان كده م النهارده
الله الغني عن ده الغرام

والله الغرام عندي أجمل
من أي حاجه في حياتي
من غير غرام لسهّ أفضل
من طول حياتي مماتي

لا تسلني

يا حبيبي لا تسلني
ما الذي ينتاب قلبي
حين تنأى عن عيوني
لا تسلني بل أعنّي
قبل أن يزداد كربي
من حنيني وظنوني

يا حبيبي لست أدري
ما الذي تبغيه مني
حين تنأى أو تجافي
قد وهبت الحب عمري
بيد أن البعد عني
كان حظي لا التصافي

يا حبيبي عد إليّا
وابق عندي ما تبقى
من حياتي وسنيني
كيف لا تحنو عليّا
بعد أن أصبحت أشقى
كل يوم ٍ من حنيني

يا حبيبي ضقت ذرعاً
بالأماني الكاذبات
دون ان ترجو وصالي
كم رويت الأرض دمعا
في الليالي الحالكات
دون أن ترثو لحالي

لو قلت لك

لو قلت لك نسيت وداد
أيام زمان ونسيت هواك
إيّاك تصدّق ده الفؤاد
والروح كمان عايشين معاك

وان قلت لك بعد النوى
معادش ليل سهدي طويل
إيّاك تصدّق ده الهوى
في القلب قايد للجميل

بسّ انت حس وافهم بقى
بلاش نقول ونعيد كتير
لو يوم رضيت ليّه الشقا
مرضاش غرام من غير ضمير

بهواك أنا مهما شكى
منك فؤادي وانكوى
بهواك أنا مهما حكى
عنك عذول أو حد وشى

يا نور عيوني مهما طال
بينا البعاد ومهما صار
في القلب صورتك والخيال
مشغول بسيرتك ليل نهار

والله القمر

والله القمر نوّر وبان
للكون جماله والبشر
لمّا القمر قرب وحان
معاد رجوعه من السفر

أهلا ً بنورك يا قمر
هلّيت عليّه في المعاد
من بعد حيره وطول سهر
للقلب فرحه والله عاد

يا نور عيوني مستحيل
دلوقتي حاجه تبعدك
بالروح يا روح قلبي الجميل
والقلب برضه حسعدك

يا عمري يا حبي أنا
يا اللي انت أجمل م الجمال
شفت الهنا وياك هنا
من بعد ما عزّ الوصال

شكرا يا عمري يا أمل
قلبي المتيّم من زمان
مهما الزمان في الناس عمل
في القلب دايماً لك مكان

يا قلبي

يا قلبي قوم وافرح بقى
وانسى العذاب وانسى الشقا
بعد الحبيب مطال جفاه
قرب وحان معاد لقاه

يا قلبي قوم وارقص كمان
واملا الحياه حب وحنان
برش تفكر في اللي فات
فكر وركز باللي آت

يا قلبي قوم وقول حعيش
عشان خلاص أحزان مفيش
ده الفرح عاد والسعد ساد
لمّا الحبيب بالوصل جاد

يا قلبي قوم وطير لفوق
وافرد جناح من بعد شوق
هو الوجود كان يسوى إيه
من غير حبيبي نرتاح إليه

يا قلبي قوم وابعت سلام
بالحبّ مفعم والغرام
ابعت سلام لحيينا
وللحبايب زيينا

لو كنت

لوكنت جد بتحبني
وكنت حق بتودني
لو كنت عاشق يا جميل
وكنت صادق لو قليل

مكانش وصلك مستحيل
والبعد عني صار طويل
مكانش حتى بات جريح
قلبي اللي كان ويّاك صريح

لو حسّ قلبك بالجوى
والوجد والشوق م النوى
لو بسّ حسّيت يا قمر
بالسهد مرّه والضجر
اللازمه
لو كنت زي قلبي وفي
مخلص وبيك بس مكتفي
لو كنت برضك منفتح
ع الحب وقلبك منشرح
اللازمه
لو كنت فعلا ً في الغرام
ملكش في اللوم والخصام
أو كنت أصلا ً ملتزم
بالحبّ زيّي ومنسجم
اللازمه

بحبّ دايماً

بحب دايماً أجيب في سيرتك
وحطّ قدّام عينيّه صورتك
بحبّ أصحى ونام يا عمري
وانت في خيالي كمان وفكري

بحبّ أسهر وبات افكّر
بنور جمالك وقول وصوّر
معاك تمللي بكل مشاعري
بكل عواطفي وكل خواطري

بحبّ اقولك يا نور عيوني
حبّك غمرني بشوق جنوني
بحبّ اقول لك سعيد بوصلك
من يوم ما شفتك وقلبي مال لك

بكلّ ثانيه معايا طيفك
وفي كل ناحيه منايا اشوفك
ده انت اللي حبك سحر فؤادي
وانت اللي قلبك أسر ودادي

يا عمري والله فداك حياتي
فداك زماني وبرضه ذاتي
يا عمري والله بموت في حبك
ونفسي أحيا وعيش بقربك

نفسي اجيلك

يا حبيبي نفسي اجيلك
وفي عيوني نفسي اشيلك
نفسي افرح بيك وخلي
قلبي هيمان بيك تمللي

بس كبرك ذلّ قلبي
رغم عشقي لك وحبي
رغم إنك يا حياتي
حبّ عمري وسرّ ذاتي

يا حبيبي خود زماني
خود وجودي خود كياني
حتى مني خود سلامتي
بس لا تجرح كرامتي

هوّ في في الدنيا أغلى
م الكرامه ولاّ أحلى
دي الكرامه صوت ضميرنا
اللي حيقرر مصيرنا

يا حبيبي مش هاممني
غيرش إنك مش فاهمني
ليه تعذبني بكبرك
ليه تغلبني بهجركهأحلى


لو حقيقي كنت عاشق
كنت شاري وكنت صادق
كنت تقدر برضه تنصف
ولاّ حتى شويّه تعطف

مكانش العشم

مكانش العشم والله
يا حبيبي تتخلى
عن حبي وغرامي
وعشقي وهيامي

ونا اللي رعيت حبك
ونويت أعيش جمبك
ده نا ياما وقفت معاك
وسهرت ليالي ارعاك

مكانش العشم تزعل
يا حبيبي أو تتقل
عليّه بلا دافع
أو حتى سبب شافع

مكانش العشم تهجر
يا حبيبي أو تغدر
بقلبي اللي عايش ليك
وفكري اللي مشغول بيك

مكانش العشم تقسى
يا حبيبي أو تنسى
حناني وحنيني
وزماني وسنيني

إيّاك تصدّق

لو قلت لك خلاص نسيت
عهد الهوى ومن زمان
لو قلت لك كمان لقيت
بعدك غرام حبّ وحنان

إيّاك تصدّق مهما قلت
ومهما عدت حتى ان حلفت
إيّاك تصدّق مهما كنت
مغرور بنفسي أو زعلت

متفتكرش يا قمر
نسيان غرامك شيء بسيط
لو حتى فرّقنا القدر
بألف صحرا أو محيط

مقدرش أنساك يا جميل
رغم البعاد من غير سبب
بسّ الحقيقه مستحيل
أرفع وشيل عنك عتب

عملت إيه يعني بلقاك
غير انّي حبيتك كتير
غير انّي قلت لك هواك
بغير عليه وحفضل أغير

هوّ الغرام عندك كده
وجد وعذاب حزن وألم
ولاّ الهيام في الوقت ده
أصبح سراب يأس وندم

والله الهوى

والله الهوى ليّه انكتب
لمّا الهوى فعلا ً وجب
بعد النصيب مكان بعيد
بعد الحبيب مكان عنيد
كلّ الجوى كلّ الأسى
عند اللقا راح واتنسى

يا خساره بس على السنين
اللي انقضت وجد وحنين
كان يجرى إيه لو بدري جيت
وعشت جمبي في أحلى بيت
حتقوللي إيه وتعيد ليه
هوّ الغرور كان فاد بإيه

مش عايز اعاتبك ع الهوان
مش عايز احاسبك مهما كان
عشان وصالك يا جميل
لو كان تأخّر بالقليل
أفضل وأجمل م النوى
والحرقه والشوق والجوى

يا نور عيوني بشكرك
ع كلّ حال وفكرك
لو كان وصالك مستحيل
أوعند قلبك كان طويل
حصبر وداري يا قمر
مهما البعاد طال واستمر

متفهمنيش غلط

أرجوك متفهمنيش غلط
لو قلت لك إني فقط
بهوى الكرامه في الغرام
أكتر من القول والكلام

يا عمّ انا مقدرش اعيش
قصة عذاب مبتنتهيش
يا عمّ انا بهواك صحيح
والحب عندي شيء صريح

بسّ المعامله باحترام
أفضل من الشوق والهيام
مش ده الكلام اللي انحكى
مرات كتيره وتنسى

يا عمّ مهما قلت لك
بهواك وحتى حلفت لك
معقوله ترضالي الهوان
من بعد ما اديتك حنان

هوّ الغرام يا عمّ إيه
إن كنت مش حتخاف عليه
إن كنت مش حتحسّ بيه
أو حتى مش ناوي تراعيه

يا عمّ فكر من جديد
بلاش تزيد همي وتقيد
رغم المحبه مستحيل
بالشكل ده أعشق وميل

متزعلش

متزعلش يا حبيبي
غصب عني رايح اسيبك
رغم حبك كان نصيبي
رغم حاجه لم تعيبك

والله حبك عشق عمري
يا حبيب قلبي وعينيّه
بسّ آه لو جيتني بدري
لمّا كان عمري في إيديّه

يا حبيبي م البدايه
خفت تزعل من فتوري
خفت تفهم لي الحكايه
إني بتقل من غروري

آه لو تعرف يا حبي
قدّ إيه بعشق جمالك
قدّ ايه مغرم وقلبي
قدّ إيه محتاج وصالك

بسّ قلبي لسّه خايف
ع الغرام ده م الليالي
والليالي مانت عارف
جرحها لسّه في خيالي

من زمان

من سنين يا نور عيوني
وحنا من بعدك غلابه
من سنين والشوق جنوني
والفؤاد مغرم صبابه

من سنين والقلب صابر
ع الفراق من غير ملامه
من سنين والقلب ناطر
كلمه منك أوعلامه

بسّ لمّا نسيت عنادك
يا حبيبي وكبر قلبك
فرحت الدنيا بودادك
والحياه احلوّت بقربك

يا حبيب قلبي ونصيبي
بعد ما هليت عليّه
طفى وصلك نار لهيبي
والدموع سابت عينيّه

قلت مش معقول يا عمري
تحرم العين من جمالك
هوّ عمري راح يا بدري
يستمر من غير وصالك

يا حبيبي تحت ظلك
اتنسيت جرحي ووجدي
حتى إني بعد وصلك
التقيت فرحي ووعدي

رغم بعدي

نفسي اقولك يا حياتي
رغم بعدي عن عيونك
مستحيل حتى مماتي
تسعد الأيام بدونك

نفسي اقولك إنّ قلبي
لسّه مغرم بيك يا عمري
نفسي اقولك إنّ حبي
لسّه عايش جوّه صدري

بسّ هجرك كان ضروري
يا حبيب قلبي وعينيّه
حتى ترتاح من فتوري
ومن ظروفي الصعبه ديّه

يا حبيبي مش حتقدر
للأسف تفهم غرامي
مهما اصوّر أو أعبر
عن حنيني وعن هيامي

فكرك اني خنت قلبك
بعد ما اتعلقت بيّه
فكرك اني بعت حبك
بعد ما تشوقت ليّه

يا حبيبي والله أفضل
ليّه أفنى من خداعك
حتى أهون ليّه واسهل
تنتقدني من ضياعك

يا حبيبي صدّق انك
راح تكون دايما ع بالي
راح تعيش مع سوء ظنك
جوّه قلبي وفي خيالي

حبك بعث

وحياة غلاوتك يا قمر
حبك بعث فيّه الحياه
زيّ المطر لمّا غمر
أرض الصحاري بالمياه

حبك بعث واحيا الأمل
بالحبّ تاني والبشر
حتى الربيع ويّاك وصل
لمّا الخريف كان منتظر

حبك يا عمري كان مراد
قلبي المتيّم من زمان
ياما انتظر همسة وداد
ياما انتظر لمسة حنان

بس الحقيقه لمّا جيت
يا نور عيون قلبي أنا
عمّرت جوّه القلب بيت
بالسعد عمران والهنا

كلّ العذاب راح وانقضى
بنظره منك نلتها
حتى الهوان قبلك مضى
بكلمه واحده قلتها

كلمة بحبك يا جميل
بكلّ صدق نطقتها
ونا الحقيقه مستحيل
غير بسّ اقول صدّقتها

أحب هواك

أحب هواك ففيه جنون
وفيه خيالٌ وفيه فنون
بغير هواك حياتي تهون
بغير رضاك أنا لا أكون

أميل إليك ولا أستكين
ويحمل شوقي إليك السكون
أغار عليك وسوف أصون
غرام حياتي فدتك العيون

حبيبي يضجّ ويعلو الحنين
وبين الضلوع غرام دفين
حبيبي لقد مسّ عندي الأنين
عنان السماء وأنت المعين

حبيبي تمرّ وتجري السنين
وقلبي أسير العذاب سجين
فقل لي حبيبي وأنت الفطين
لماذا بأمري فقط تستهين

جاي تعمل ايه

جاي تعمل ايه دلوقتي بس
لمّا الزمن بالعمر راح
وجايّ ليه دلوقتي بص
تلج المشيب في الشعر لاح

طب كنت فين من كام سنه
لمّا الشباب بالعطر فاح
لمّا الهنا كل الهنا
كان من نصيبي والنجاح

جاي تعمل ايه بعد السنين
مجرّحت قلبي كمان
هوّ الزمان ولا الحنين
خلوا الحياه ماشيه بأمان

يا عمّ والله مصدقك
بكلّ كلمه عن هواك
ونا الحقيقه بعشقك
بعشق جمالك وبهاك

بس الجمال ده يا قمر
من حق حد غيري تمام
مش حق حد زيّي انكسر
من قبل منك في الغرام

مقدرش اسمح للغرور
عن الحقيقه يمنعك
مقدرش حتى لو تثور
أرضى لغروري يخدعك

أحب هواك

أحب هواك ففيه جنون
وفيه خيالٌ وفيه فنون
بغير هواك حياتي تهون
بغير رضاك أنا لا أكون

أميل إليك ولا أستكين
ويحمل شوقي إليك السكون
أغار عليك وسوف أصون
غرام حياتي فدتك العيون

حبيبي يضجّ ويعلو الحنين
وبين الضلوع غرام دفين
حبيبي لقد مسّ عندي الأنين
عنان السماء وأنت المعين

حبيبي تمرّ وتجري السنين
وقلبي أسير العذاب سجين
فقل لي حبيبي وأنت الفطين
لماذا بأمري فقط تستهين

أخرجي

يا من عشقت عذابي
ولم يزدك عتابي
سوى الحنين لهجري
أو اللجوء لقهري

يا من قتلت ودادي
بالكبر أو بالعناد
يا من سرقت مراحي
بالسهد حتى الصباح
اللازمه
هيّا اخرجي من كياني
ومن سنين زماني
هيّا اخرجي من ضلوعي
ومن سيول دموعي

هيّا اخرجي من فؤادي
ومن مروج ودادي
هيّا اخرجي من خيالي
ومن جنان وصالي

يا من هواك سراب
وبلقعٌ وضباب
يا من جفاك طويل
والملقى فيه قتيل

يا من أضعت حياتي
من بعد ما كنت ذاتي
يا من غرورك غطى
كل الكواكب سخطا

يا من عشقت هواكي
وكان فيه هلاكي
يا من حسبتك روحي
فصرت ضمن جروحي

يا من وهبتك حبي
وعشق عمري وقلبي
كيف استبحت دمائي
ومهجتي ووفائي

قدّ المجرّه

قدّ المجرّه والمطر
والتلج ع الأرض والشجر
بعشق جمالك يا قمر
يا منوّر الكون والبشر

يا نور عيوني مستحيل
أوصف غرامك الجميل
مهما انحكى ومهما قيل
في الحبّ والشوق كان قليل

لو قلت لك حبي الكبير
قد البحار واكبر كتير
صدّق عشان قلبي الصغير
مغرم صبابه وبضمير

صدّق كمان لو قلت لك
بعشق هواك وبعشقك
من قبل حتى معرفك
وشوف جمالك واسمعك

بالقلب شفتك والخيال
قبل الموده والوصال
في الحسن والزين والجمال
مكانش لك في الناس مثال

ولمّا شفتك في الصباح
والخد نوّر بان ولاح
قلت الربيع بالعطر فاح
بعد العواصف والرياح

بشتاق إليك

بشتاق إليك يا حبيبي
بشتاق وبعشق جمالك
بسّ الصدود كان نصيبي
والهجر مش ليل وصالك

يا نور عيوني الموّده
مفروض تنوّر دروبنا
مفروض بقوّه وبشده
ع الحبّ تجمع قلوبنا

أمّا الغرور والمكابره
ع الحبّ والعشق نقمه
برضه النفور والمثابره
ع الصدّ ملهومش لزمه

مش قادر اصدق ضميرك
مرتاح وراضي بهواني
من بعد ما كان مصيرك
مربوط بحبي وحناني

ده الحب والعشق جنه
حلوه وجميله في عينيّه
دول مش مجامله ومنّه
من ايّ حد أو هديّه

يا حبّ عمري

يا حبّ عمري يا قمر
يا منوّر الليل والسهر
بهواك وبعشق نور عينيك
مهما انحكى وتقال عليك

بلاش نقول ونعيد كلام
عذال بلا حب أو غرام
بلاش نعيش ونشوف هوان
عشان قلوب ملهاش أمان

يا نور عيون قلبي الأمين
بشتاق إليك وفي كلّ حين
بشتاق إليك رغم الفتن
في السرّ أو حتى العلن

طول ما انت جمبي يا جميل
ميهمنيش أي قال وقيل
ميهمنيش غير حبي ليك
وعشقي ليك ووصلي بيك

عشان عيونك يا قمر
حركب على متن الخطر
حركب بدون خوف أو وجل
من أيّ شيء لو فيه الأجل

ده الموت حياه عشان هواك
والعيشه موت من غير لقاك
عشان كده ويّاك حعيش
قصة غرام مبتنتهيش

هكلمك

أرجوك متزعلش مني
لو قلت لك غصب عني
بكلمك كل ساعه
أو حتى كل نصّ ساعه

ليه بسّ تزعل يا عمري
يا شمس حبي وبدري
كبّر لي عقلك شويّه
وطوّل لي بالك عليّه

مقدرش أصبر ثواني
من غير متسمع وداني
صوتك يا أغلى الحبايب
طول ما انت عن عيني غايب

أرجوك متفهمش إني
غيّرت رأيي وظني
بالعكس والله بحبك
واتمنى اعيش واحيا جمبك

بس الكلام والرسايل
في الظلمه زيّ المشاعل
هيّه اللي طفّت لي ناري
هيّ اللي ضوّت لي داري

هيّه اللي بداوي قلبي
في البعد عنك يا حبي
هيّه اللي بتخلي نوحي
أهون ع قلبي وروحي

يسلم لي حبك

يا نور حياتي بحبك
بكلّ ذاتي وبقول لك
يسلم لي حبك وقلبك
يسلم لي ضيّك وظلك

كان قلبي مرتاح وفكري
وكنت م العشق خالي
ولما شفتك يا عمري
ملكت قلبي وخيالي

للحبّ سلّمت أمري
والحبّ أمره ع راسي
في القلب شيلتك وصدري
وفضلت ع الحبّ راسي

بهواك وبعشق عيونك
والعشق سيطر عليّه
بهواك وصدّق بدونك
مقدرش اعيش لو لثانيه

شمس النهار حتّه منّك
ونور جمالها مرايتك
والبدر غار واحكى عنّك
والدنيا سمعت حكايتك

بفضل حبّك

بفضل حبّك يا نور عينيّه
حياتي صارت حلوه وهنيّه
بفضل قلبك وعشقه ليّه
سعادتي زادت في الدنيا ديّه

بفضل حسنك ونور جمالك
ليالي بسهر أنا في دلالك
وان غبت عنّي بشوف خيالك
بواسي قلبي لحين وصالك

بفضل طيبتك وحسن ظنّك
عمر المشاكل مجاتني منّك
وان جات لودني نميمه عنّك
مش رايحه منّي تسمعها ودنك

بفضل صدقك وذوق كلامك
أصبحت إنسان تاني بغرامك
وبفضل شوقك ليّه وهيامك
بتحسّ بيّه حتى في منامك

بفضلك انت نسيت عذابي
وارجعت تاني لأيام شبابي
ولاجلك انت فتحت بابي
وقبلت أكتب عليك كتابي

عندك مانع

عندك مانع يا نور عيوني
أحبّ واعشق نور جمالك
عندك مانع بشوق جنوني
أعدّي والمح طيف خيالك

عندك مانع يا عمّ احبّك
وموت في حبّك طول حياتي
عندك مانع أعيش بقربك
لو حتى قلبك جار يوماتي

عندك مانع أجاري نفسي
وخلّي سيرتك شغل عمري
عندك مانع أداري يأسي
وخبّي صورتك جوّه صدري

عندك مانع أعيش عشانك
وصون غرامك مهما تزعل
عندك مانع أقول حنانك
ده من نصيبي مهما تتقل

عندك مانع أنسى القرايب
عشان عيونك يا حبيبي
عندك مانع أسلى الحبايب
لو حتى صدّك كان نصيبي

عندك مانع أحبّك انت
بكلّ حتّه من فؤادي
عندك مانع لو ألف حتى
منع فؤادك عن ودادي

بين بحر أزرق

بين بحر أزرق ورمل أصفر
بين عشب أخضر وورد أحمر
ويّاك حبيبي بعيش وبسهر

يا عمري والله سعيد بقربك
ولجل خاطرك بعيش وحبك
تسلم يا عمري ويسلم لي قلبك

والبحر الازرق بحب وبعشق
عشان ده أصلاً خد لونه الازرق
من لون عيونك بس هيّه أعمق

و الرمل الاصفر جميل وناعم
ع الشط راسي سنين ونايم
ونا في عيونك يوماتي عايم

والعشب الاخضر بساط يا عمري
بالودّ والحب مفروش ومغري
عشان نعدّي عليه ونجري

والورد الاحمر يا حلو يا اسمر
ع الخد فتح بذوق ونوّر
غير بسّ وردك جماله أكتر

حبي وغرامي

حبّي وغرامي كالمطر
وكالعواصف والرّياح
لو بسّ ترجع يا قمر
وتعوّض العمر اللي راح

يا نور عيون قلبي أنا
بعدت ليه عنّي كده
هوّ الغرام هجر وضنا
ولاّ البعاد بالشكل ده

أيّام زمان وحنا سوى
عشنا بأمان عشنا بحنان
من غير معانده أو جوى
أو نار ملاوعه أو هوان

أيّام زمان لمّا الغرام
قرّب وجمّع شملنا
عشنا بمودّه وانسجام
رغم العواذل حولنا

بسّ النّهارده للأسف
فضلت وحدي في المكان
معادش فيك ذاك الشغف
أو حتى شوق بتاع زمان

والله القدر

والله القدر ليّه ابتسم
لمّا القمر بالوصل جاد
والله النصيب ليّه انقسم
لمّا الحبيب من تاني عاد

والله بهواك عمري ابتدا
بعد الأسى بعد الضنا
والله بلقاك قلبي اهتدا
للحب والنور والهنا

حتى الأمل في الناس رجع
من بعد ما كان راح وخاب
من بعد ما قلبك سمع
وجد وأنين قلبي اللي داب

نوّرت قلبي يا قمر
بنور جمالك وبهاك
حرّرت قلبي م الضجر
بذوق كلامك ولغاك

الله عليك يا أحلى حب
يا اللي انت جيتني في المعاد
الله عليك يا أغلى قلب
يا اللي انت نسّيتني السهاد

الله عليك يا مهجتي
يا فرحتي ويا بسمتي
الله عليك يا بهجتي
يا منيتي ويا قسمتي

هنيّالي

هنيّالي على حبك هنيّالي
هنيّالي على قلبك هنيّالي
هنيّالي على لطفك يا أحلى حب
هنيّالي على ظرفك يا أطيب قلب

هنيّالي على قصة هواك ليّه
هنيّالي على فرصة لقاك بيّه
هنيّالي على وعدك تصون حبي
هنيّالي على عهدك تكون جمبي

هنيّالي على أجمل حبيب في الكون
حبيب بوجوده صار للدنيا طعم ولون
هنيّالي على وصلك وأشواقك
هنيّالي على نبلك وأخلاقك

هنيّالي على أجمل حياه ويّاك
بلا أحزان ولا أشجان عشان بهواك
هنيّالي على فنك يا نور العين
هنيّالي على حسنك يا حلو وزين

هنيّالي وبتمنى السلام للناس
بدون تمييز ولا تفريق بين الأجناس
هنيّالي وبترجى الهنا والسعد
لكلّ الناس بكلّّ الحب وكلّ الود

معقول تخون

معقول تخون قلبي الوفي
اللي بهواك عاش مكتفي
ده كان هواك حبّي الكبير
أوّل غرام ليّه وأخير

إرحم بقى وخلّيك رؤوف
خليّك حنون زيّي وعطوف
ليه بس تسيبني للعذاب
من بعد ما ولّى الشباب

يا نور عيوني ليه الوصال
صار مستحيل بينا ومحال
هوّ اللي كان عشق وغرام
ولاّ اللي كان حلم في منام

يا نور عيون قلبي أنا
شوف غبت عنّي كام سنه
من غير مكالمه أو جواب
يطمّن القلب اللي داب

معقول خلاص في البعد هان
حبي اللي كان شعلة حنان
معقول خلاص الودّ راح
ويّا العواصف والرّياح

ازّاي هعيش من غير هواك
من غير وصالك ولقاك
وازاي هنام وازاي هقوم
من غير مشوفك كلّ يوم

اللي بريدك

اللي بريدك ريده
وبإيدك حط إيده
واللي بعيبك سيبه
لا تلومه ولا تعيبه

بالحب قلبك ملّيه
معطاء دايما خلّيه
مهما الناس راح تقسى
بكره الناس راح تنسى

يا عم طوّل بالك
حتى تروق أحوالك
ليه بتزعل ع الفاضي
ليه بتتقل متراضي

يا عم ارضى وصالح
يا عم إهدا وسامح
لو حتى كنت مظلوم
أو مرّه كنت محروم

يا عم هالعالم فيه
أحزان والله بتكفيه
ليه نزيدها يا عمّ ليه
هيفيدنا ده بسّ بإيه

يا عم ازرع دربك
بالحب وافتح قلبك
حتى الدنيا تضحك لك
والناس ديّه تفرح بك

صباح الحب

صباح الحب يا أحلى حب وهب ربي
صباح الحب يا أغلى حب ملك قلبي
صباح الحب يا أطيب قلب صباح النور
عدد رملات عدد موجات تلال وبحور

صباح الحب على الحلوين صباح الورد
صباح الحب على العاشقين صباح السعد
صباح الحبّ من قلبي صباح نادي
صباح الحبّ من روحي صباح هادي

صباح الحبّ يا عنيّه صباح الخير
صباح الحبّ مع أنغام يمامه وطير
صباح الحبّ يا شمسي ويا بدري
يا أغلى عندي من نفسي ومن عمري

صباح الحبّ والأشواق إلى عيونك
صباح الحبّ من مشتاق إلى فنونك
صباح الحبّ والعرفان على ظرفك
على حبك على حسنك على لطفك

صدّقيني

صدّقيني لو حقيقي بتعشقيني
أهجريني وابعديني عن عيونك
صدّقيني أتركيني واهمليني
حتى لو ضاعت سنين عمري بدونك

صدّقيني لمّا اقولك إنت عمري
وانت أجمل شيء حصل لي في حياتي
صدّقيني لمّا اقولك إنت بدري
وانت شمسي في الوجود ده وانت ذاتي

صدّقيني عشق قلبي لك مانعني
من ضياع عمرك وحسنك جمب مني
بسّ قلبك يا حياتي مش سامعني
مهما اقول لك أو أعيد لك مش فاهمني

كل محكي لك وقرّب فكري منك
تزعلي لي وتشتكي لي من جحودي
رغم إني مستحيل يبعدني عنك
غير غرام قلبي اللي أغلى من وجودي

يا حياتي نفسي اضمك نفسي اشيلك
جوّه قلبي وجوّه صدري وفي عيوني
يا حبيبي نفسي احبك نفسي اجيلك
بسّ خايف ع الجمال ده من جنوني

أريد الوصال

اريد الوصال فقط يا حبيبي
لإن الفراق سقامي ودائي
أريد الوصال أجل يا طبيبي
ففيه دوائي وفيه شفائي

فجد لي بوصل ٍ سريع ٍ يداوي
عذابي ووجدي وقلبي العليلا
فوالله ما العيش شيئاً يساوي
إذا لم أجد للوصال سبيلا

حبيبي تعال فما لي سواكا
وما لي حياةٌ بغير هواكا
فإمّا نعيش معاً في حماكا
وإمّا أموت وأفنى فداكا

حبيبي وإن طال هجري سنينا
ما تخلّيت عن هواك ثواني
وإن بتّ ليلي وحيداً حزينا
ما تمنّيت أن تعيش هواني

حبيبي أغثني وخفف عذابي
حبيبي أعنّي على سوء حالي
فقد ضاع عمري وضاع شبابي
بهجرٍ طويلٍ يفوق احتمالي

يا حبيبي

يا حبيبي طال عذابي
طال سهادي من فتورك
يا حبيبي ضاع شبابي
ضاع فؤادي من نفورك

يا حبيبي العمر جاري
وانت مش حاسس بناري
دي السنين قبل الدقايق
راح تعدي وانت رايق

يا حبيبي زاد حنيني
زاد أنيني من جحودك
يا حبيبي شوف جنوني
شوف ظنوني من صدودك

يا حبيبي الحبّ نظره
لو ده كان فعلا حقيقي
والغرام الجدّ مرّه
راح تقابله في طريقي

بسّ النهارده

بسّ النهارده عندما
قلبي ابتدا عمره الجديد
بسّ النهارده بعدما
حبي انتهى ويّاك أكيد

من غير خجل راجع تقول
مشتاق لحب أيّام زمان
طب قلت إيه لمّا العذول
خلاّك تغيب وتخون كمان

لمّا الفؤاد م الشوق بكى
مسمعش منك غير عتاب
لمّا الحنين جواه اشتكى
مشفش منك غير عذاب

بصّ الغرام زيّ الزهور
محتاج لمين يهتمّ فيه
من غير رعايه أو شعور
هيموت بدون منحسّ بيه

رغم الحنين والشوق أنا
مقدرش لك تاني أكون
بعد العذاب بعد الضنا
مسمحش لك تاني تخون
من

صدقت ليه

معرفش ليه قلبك صبح
قاسي وعنيد من غير سبب
معرفش إيه خلاّه جرح
قلبي اللي أجمل حب وهب

صدقت ليه كدب العذول
من غير متسمع كلمتي
هيّ الأصول يا بن الأصول
إنّك تضيّع بسمتي

حبّك جميل قلبك وديع
إلاّ بقلبي وبس غدر
صبرك طويل وصلك بديع
إلاّ بحبي وبس ندر

مغرور قوي مغرور بحق
عشان بجد ملكش زي
حتى القمر مقالش لأ
لمّا اشتكى وسلفته ضي

طاير

جسمك هنا وقلبك بعيد
طاير مع الأحلام سعيد
جسمك هنا وفكرك شريد
حاير ونا العشقاك أكيد

معرفش ليه اصبح بخيل
بالوصل قلبك يا جميل
ده الليل طويل على العليل
والويل تقيل والنوم قليل

بسّ اعمل إيه ويّاك أنا
والقلب مشغول بيك هنا
ونا اشكي ليه وانت المنى
رغم الضنا من كام سنه

عمّال تدوّر عن حبيب
وتسيب حبيب منك قريب
عمّال تفتش عن نصيب
في بلاد بعيد عنها وغريب

فكّر حبيبي من جديد
حرام تسيبني سنين وحيد
هوّ الغرور خلاّك عنيد
ولاّ الفتور خلاّك شديد

أفكار وامواج

يا نور عيوني في صدري
أفكار كتيره بتسري
وامواج كبيره بتجري
بسنين حياتب وعمري

أرجوك أعنّي وساعدني
ولا انت غاوي تكايدني
أرجوك تعال وواعدني
ولا انت ناوي تعاندني

أفكار بتسرح يا غالي
لسنين سعيده بأمالي
وامواج بتسبح ليالي
لبلاد بعيده في خيالي

أفكار بتوصف غرامي
وليل سهادي وألامي
وامواج بتبعت سلامي
وعشق قلبي وهيامي

أفكار وأمواج حبيبي
والدمع حظّي ونصيبي
لو بسّ قلبك داري بي
وبنار لهيبي ونحيبي

الحظ

يا حظّ قوللي انت إيه
صنع الخيال أو شيء أكيد
أيّا تكون يا حظّ ليه
دايما معايا وبس عنيد

يا حظّ لو كنت بحقيق
أو كنت ظن في قلبنا
ليه بسّ دايما كالغريق
عايزين وجودك جمبنا

يا حظّ مين فتحت له
قلبك بفرحه عاش سعيد
ومين يا حظ قفلته له
قلبك بجرحه بات وحيد

يا حظ لمّا تكون جميل
إزّاي بتختار بعضنا
وليه بقى دايماً بخيل
مع الغلابه زيّنا

يا حظّ بص هوّ الفقير
ملوهش قلب يقدر يحب
ولاّ الكبير عشان كبير
هوّ اللي وحده عنده قلب

يا حظّ حس خلّيك حنون
خلّيك عطوف ع الكل بقى
حتى الفقير ده له عيون
ولاّ الفقير عاش للشقا

هواك نصيبي

هواك نصيبي في دنيتي
ونور حياتي ومهجتي
هواك نعيمي وجنّتي
وسر وجودي وبهجتي

الله عليك ماغلى هواك
ماغلى وصالك ووفاك
الله عليك ماحلى بهاك
ماحلى جمالك وصفاك

هواك حبيبي من زمان
غمر حياتي بالحنان
هواك حقيقي كان أمان
من الليالي والهوان

هواك حبيبي شيء جميل
لا عيب كبير فيه أو قليل
ملوهش حتى ومستحيل
في الدنيا نلقاله المثيل

يا نور عيون قلبي أنا
ويّاك أنا نلت المنى
بعد العذاب بعد الضنا
شفت الهنا ويّاك هنا

حسّك عينك

حسّك عينك يوم تتنازل
عن وعودك أو تتجاهل
حسّك عينك يوم تتخلّى
عن عهودك أو تتسلّى

حسّك عينك يوم تنساني
أو تخدعني أو تسلاني
حسّك عينك تنسى تجيني
قبل النار م الشوق تكويني

حسّك عينك وحياة عينك
يدخل عاذل بيني وبينك
حسّك عينيك يوم نتفارق
أو نتباعد أو نتخانق

حسّك عينك تشغل بالي
تحيّر قلبي تغيّر حالي
حسّك عينك يوم يا عنيّه
تسرح بيّه وتشمت فيّه

حسّك عينك قلبك يزعل
أو يتجنّى مرّه ويتقل
ده انت الحب اللي بيحييني
وانت القلب اللي بيهديني

دلوقتي بس

دلوقتي بس بعد الفؤاد
ممال إليك خنت الوداد
دلوقتي بس بعد الهيام
مصار كبير بعت الغرام

طب قلت ليه ويّاك أنا
هلقى السعاده والهنا
وحلفت ليه هنعيش سوى
من غير ملاوعه أو جوى

دلوقتي بس بعد السنين
م الحبّ والشوق والحنين
بتقوللي لو ننسى اللي كان
أفضل لنا واحسن كمان

دلوقتي بس غاوي الهرب
غاوي الغضب من غير سبب
دلوقتي بس هاوي الغياب
هاوي الملامه والعتاب

دلوقتي بس حسّيت بضيق
زيّ الغريق من غير صديق
دلوقتي بس حسّيت وحيد
حسّيت غريب عنّي وبعيد

إنسان بسيط

يا ناس أنا إنسان بسيط
ميغرّنيش دهي ومال
بسّ الحقيقه انسان نشيط
بكسب وعيش واكل حلال

عشان كده محتاج لحد
بسيط قوي وطيّب كمان
حتى الحياه تفضل بجد
ماشيه بأمان حبّ وأمان

يا ناس أنا نفسي بحبيب
زيّي بطبيعته مهما كان
مقدرش احب إنسان غريب
لو حتى كان سلطان زمان

يا ناس أنا مرضاش غرام
مرهون بمال حتى ودهب
أصل الغرام عندي انسجام
مش بسّ خوف شكّ وغضب

ياما الدهب كان السبب
للفرقه بين الأقرباء
ياما انقتل ياما انضرب
من أجله عالم أبرياء

ع الظاهر

يا حبيبي الناس محتاره
بطبيعة قلبي وقلبك
إنّما إيه دخل الحاره
بحقيقة حبّي وحبّك

يا ناس ليه بس شاغلين بالكو
وشاغلينا ليل ويا نهار
يا ناس إيه بس غيّر حالكو
ده حنا جيران والجار للجار

يا حبيبي الناس بتحكم
أحيانا بس على الظاهر
واحيانا برضه بتفهم
حاجات لا ع البال والخاطر

يا عمري سنين وحنا العاشقين
شايفين حساد سامعين عذّال
مع إنّا كتير وحنا الصادقين
صامتين ساكتين ع اللي بيتقال

فين احلى ايامك يا جيره
فين اغلى ايامك يا طيبه
يا ناس ده العالم للغيره
والشك صار مطرح والغيبه

لا تغالي

يا حبيباً ساكناً قلبي وخيالي
إن تشأ صدّي وهجري لا تغالي
كم طلبت اللطف والرفق بحالي
بينما تقسو وحتى لا تبالي

كم دعوت الأمس قلبي للقاء
راجياً بدر الدجى طول البقاء
أمن المعقول أن تهوى شقائي
دون عذرٍ غير قهري وابتلائي

يا حبيبي إن ترى خيراً بهجري
أطفىء النار التي ثارت في صدري
يا حبيبي إن سبرت اليوم صبري
لست أدري إن سيبقى حتى فجري

يا حبيبي إن تكابر قد تعاني
إنّني أدرى بكم تهوى حناني
كلً صدٍ أو ضياعٍ أو هوان
لن يعيد العمر للماضي ثواني

يا حبيبي في الهوى ما لي إراده
قد سلبت القلب أسباب السياده
يا حبيبي صار هذا البعد عاده
بعد أن كانت لنا كلّ السعاده

عندي سؤال

يا ناس هنا عندي استفسار
يا ريت قوام حد يشرح لي
عشان خلاص دليلي احتار
م اللي حصل وبيحصل لي

ليه ان دخل وحيّاني
وقال كلام له معاني
نسيت زماني ومكاني
وسنين حياتي وكياني

قوللي يا بيه كلّ ده ليه
وانت يا هانم رأيك إيه
وانت هنا قول متخافش
وانت هناك مبتعرفش

ليه ان لمس بالإيد شعري
حسّيت بنار ماشيه في صدري
ولو همس وشم عطري
حسّيت بروح قلبي بتجري

ليه ان خطر زيّ النسمه
وقال سلام وكام كلمه
ردّيت بنظره وبسمه
وروحت طايره للنجمه

أمّا بقى لو عدّى العصر
من غير مهل عليّه البدر
حسّيت بشوق إليه كالبحر
وخوف شديد عليه م الشر

لا تفكيريني

لا تفكريني مليونير
ونا الحقيقه مديونير
والله الحقيقه الصريحه
هيّ الطريقه المريحه

متغركيش الفتاكه
ولا الهدوم والشياكه
لا عندي ياخت وطيّاره
ولا يا حسره سيّاره

بخاف عليكي يا عيوني
من نار هوايا الجنوني
بخاف وبشتاق إليكي
رغم الشقاوه في عينيكي

بهاكي والله سحرني
ونور جمالك أسرني
بسّ الحكايه تاه فكري
وداب فؤادي في صدري

حبّيت كتير تفاض بيّه
ظلم الحبايب يا عنيّه
عشق العيون ضيّع قلبي
ضيّع حياتي ومش ذنبي

نفسي أعيش بقى خالي
مرتاح بفكري وخيالي
نفسي أنام والبال هادي
وعيش حياة انسان عادي

متقولش

متقولش عن انسان حبيب
قبل الحبيب ميصير نصيب
ياما القريب اصبح غريب
ياما الغريب اصبح قريب

يا عمّ مين يقدر يقول
في الحظّ إيه هيّه الأصول
برضه الغرام حظّ ونصيب
يمكن يخيب يمكن يصيب

رغم الوعود رغم العهود
في الحبّ هحر غدر وصدود
بسّ العجيب من غير حدود
صبر المتيّم ع الجحود

مهما غدر مهما زعل
مهما هجر مهما تقل
ظلم الحبيب زيّ العسل
مهما جرى ومهما حصل

عشان كده بهمسة عتاب
عهد الغرام هيعود شباب
حتى العذاب بعد الغياب
هيزول قوّام زيّ السراب

يا عم

يا عمّ ليه قلبك كده
مغرور وسايق في الدلال
هوّ الغرام بالشكل ده
هجر وضنا ومفيش وصال

يا عمّ ليه بسّ العذاب
حظّي ونصيبي في الغرام
يا عمّ إيه خلّى السراب
كلّ اللي نابني م الكلام

لو كنت صادق بالهوى
كان من زمان قلبي في أمان
لو كنت عاشق كان سوى
عشنا في سرور بهجه وحنان

يا عمّ لو حبّك هلاك
فداك حياتي كلّها
بسّ الحياه من غير لقاك
صعبه وفؤادي ملّها

بعد الخصام

بعد الخصام بعد العناد
عهد الغرام رجع وعاد
بعد الفراق بعد البعاد
عهد الوفاق رجع وساد

كلّ الزعل بينا مضى
بعد القبل راح وانقضى
حتى الألم حتى الجفا
عند الندم راح واختفى

من غير كلام سامحتني
من غير ملام صالحتني
حتى الحنان بتاع زمان
رجع وعاد واكتر كمان

ورجعت لي واحلفت لي
والدمع جاري قلت لي
مهما العذول قال عننا
مش راح ينول شيء مننا

معرفش ليه

معرفش ليه وصل الجميل
من كام سنه صار مستحيل
حتى الكلام ولاّ السلام
أصبح محال بينا وحرام

مين حيّرك بالشكل ده
إيه غيّرك منتاش كده
هوّ الغرام عطف وحنان
ولاّ الغرام هجر وهوان

أجمل زمان عشناه سوى
بالحبّ والشوق والهوى
بسّ الهوى راح واختفى
لمّا انتهى عهد الوفا

ليه بس تصدّق قول عذول
دايما بيحسد حبنا
هيّه الشرائع والأصول
بتقول نخالف قلبنا

إشمعنى بس قلبي أنا
فضل وفي رغم الضنا
واشمعنى بس عندي الغرام
فضل شديد رغم الملام

كل مرّه

كل مرّه بتلمح في عيوني
نظرات الحب الجنوني
بضللك ماشي ومش خايف
وبتعمل نفسك مش شايف

بضللك ماشي ومتجاهل
فكرك هالنسيان بالساهل
بضلك ماشي ومش سائل
أو حتى كيفك مش قايل

شو السيره يا قلبي الحاير
في الدنيه شو هاللي صاير
تماتت أ حاسيس الناس
من شوق ومحبه وإخلاص

يا روح قلبي مش هتلاقي
زيّي بحبي واشتياقي
قلبي المغرم قلبي العاشق
دايما مخلص لك وصادق

كيف ممكن تسمع أنيني
من غير متحسّ بحنيني
كيف ممكن ترضى بلهيبي
من غير ميهزّك نحيبي

لو ماشي ومش راجع تاني
والهجران نسّاك زماني
راح تفضل ساكن يا غالي
في عيوني وقلبي وخيالي

ألوان

أخضر لقاك أحمر هواك
أسود جفاك أبيض صفاك
ألوان هواك والوان بهاك
من كل لون فيك يا ملاك

عند اللقا وعند الوصال
ألوان هواك ملهاش مثال
زيّ الشجر لمّا المطر
بالخير غمر أرض وبشر

القدّ بان عوده نما
والعين كمان بحر وسما
والخدّ أبيض ياسمين
والشعر أسود ع الحبين

الوشّ بدر والعطر ورد
والشفّه زهر والبسمه شهد
السنّه لولي واللسان
بالحبّ مليان والحنان

الله عليك يا اللي القمر
غاب واختفي لمّا انت جيت
الله عليك يا اللي القدر
ويّاك فتح لي دار وبيت

التلفون

مع كل رنّة تلفون
بقلب وشّي بكذا لون
وان طلّعته من الصالون
بتحدّق فيّه العيون

بخده بعيد عشان شايف
نظرات العالم صوبي
بحكي بهمس عشان خايف
حد يسمع دقّات قلبي

يا عيون قلبي ليل ونهار
بستنّى الرنّه ع نار
بسأل عنّك أهل الدار
واهل الحاره لعاشر جار

وحياتك مع كل رنّه
بفرح برقص وبغنّي
حتى الناس لقراب منّي
عم بتحاكو كتير عنّي

لو تبعت لي رساله
في الثانيه راح أتألّم
والحاله هتصير حاله
فيها الإشيا تتأزّم

لو مر يوم متحاكينا
ضاع من عمري كل اليوم
لو فات يوم متناجينا
طار من عيني طعم النوم

لو حقيقي

يا حبيبي زاد عذابي
طول بعادك عن عيوني
يا حبيبي ضاع شبابي
طول سنين حبي الجنوني

لو حقيقي كنت عاشق
كان فؤادك حسّ بيّه
لو غرامك جد وصادق
كان زمانك عشت ليّه

يا حبيبي امسح دموعي
والعذاب اللي في ضلوعي
يا حبيبي ارحم خضوعي
والهوان اللي بخنوعي

يا حبيبي النوم جفاني
والسهاد سهّر عينيّه
يا حبيبي الشوق ضناني
والفراق طوّل عليّه

ليه بتتقل ليه بتبخل
بابتسامه أو بنظره
ليه بتغضب ليه بتزعل
هوّ قصّر قلبي مرّه