يا حلوتي

يا حلوتي هيّا افتحي
للحبّ قلبك وافرحي
يا حلوتي ليه تسمحي
قلبي المتيّم تجرحي

يا حلوتي ليه الغرور
ليه المكابره والنفور
يا حلوتي ليه الفتور
مش كلّ يوم قلبي صبور

يا حلوتي مهما الجمال
عدّى الحقيقه والخيال
غير للإله كل الكمال
كل المهابه والجلال

يا حلوتي بكره الخريف
من غير أنيس هيكون مخيف
حتى البصر هيكون ضعيف
والنوم كمان هيكون خفيف

يا حلوتي لا الكبرياء
هتفيد ولا حتى الإباء
بكره ان ندهت للقاء
مش هقدر اسمع لك نداء

يا حلوتي قبل الأفول
هيّا اسمعي مني الأصول
بكره لجمال ده راح يزول
مهما اكتمل مش لااح يطول