لو قلبي فكّر

لو قلبي فكّر وخبّى عنك
كان قلبي وفّر جراحه منك
إكمني عاشق تقلان عليّه
واكمني صادق بتشكّ فيّه

لأ يا حبيبي خلّيك في حالك
منتاش نصيبي لو مش ع بالك
معادش تنفع بينا المعادله
معادش تشفع إلاّ المقابله

معقوله أسهر عشان عيونك
وبات افكّر وعيش بدونك
إزاي هتنصف وازاي هترحم
من غير متعرف أو حتى تفهم

يا عمّ ياما قلبي شرح لك
في الحب كرامه مين كان سمح لك
تجرح شعوري من غير مناسبه
لو كان قصوري ملناش معاتبه