ملّيت

بهواك سنين بسّ العناد
خلّى الفؤاد ملّ السهاد
بهواك سنين بسّ البعاد
خلّى الوداد والشوق رماد

ملّيت خلاص م الإنتظار
من غير جواب أو اعتذار
ده الليل صبح بعدك نهار
والويل جرح قلبي بمرار

مقدرش اكون كبش الفدا
مقدرش اعيش بالشكل ده
هوّ الغرام لسّه ابتدا
حتى الغياب يطول كده

سنين ونا بحلم يسود
بينا الغرام زيّ الوعود
سنين ونا بحلم يعود
بينا الهيام قبل الصدود

إن كنت ناوي ع الفراق
قوللي بصراحه ليه النفاق
وان كنت ناوي ع الوفاق
هيّه المصالحه بالخناق