رؤيا

يا حبيبي شفت رؤيا
من سنين عدّت عليّه
قال أخيراً همت بيّه
يا حبيبي وصرت ليّه

بسّ يا خساره تلاشت
في الهوا كل الأماني
حتى لو عادت وجاشت
مش هتخدع قلبي تاني

يا حبيبي العمر عدّى
وانت قلبك لسّه خالي
دي الحياه والعمر مدّه
وانت بعدك غير مبالي

يا حبيبي كنت ناوي
أوهبك عمري وحياتي
بسّ قلبك لسّ غاوي
صوت أنين قلبي وآهاتي

يا حبيبي بص لنفسك
وانت تعرف صدق حقي
لو صدق قلبك وحسّك
كان زمان حسّيت بصدقي