الشوق

يا شوق معاك تعّبتنا
تعّبت روحنا وقلبنا
يا شوق حلاام غلّبتنا
خاف واختشي من ربنا

يا ريت تجمّع شملنا
وتعيد زمان عهد الغرام
يا ريت تقرّب وصلنا
وتزيد كمان بينا الهيام

يا شوق خطاك جوّه القلوب
سامعين صداها من سنين
يا شوق وراك ماشيين دروب
تعبت وأنّت م الحنين

وحنا في بيوتنا لوحدنا
من غير معاد بتفوت لنا
بتهزّنا وبتشدّنا
حتى في عملنا وشغلنا

وحنا في سفر ملناش مفر
من نار عذابك ليل نهار
حتى في سهر ولاّ سمر
في القلب طعمك له مرار

يا شوق لهيبك في الضلوع
عمّال يقيد فينا الجوى
يا شوق حرام حتى الدموع
معدش تنفعنا دوى