مش هقول لك

مش هقول لك يا حبيبي
إن قلبي بيك متيّم
مش هقول لك لو لهيبي
ع الخدود أثّر وعلّم

مش هقول لك يوم بحبك
ياحبيب قلبي وعيوني
حتى أسمع قبله قلبك
يعترف لي بحب جنوني

مش هقول لك إنت روحي
وانت قلبي وانت عمري
مهما طال سهدي ونوحي
ولاّ طال وجدي وصبري

مش هقول لك إنّك انت
نور حياة قلبي وعينيّه
حتى لو معرفش إمتى
راح تحن وتخاف عليّه

يا حبيبي كنت ناوي
من زمان احكي وقول لك
بسّ قلبك شفته غاوي
ذلّ قلبي سنين بتقلك