متزعلش

متزعلش يا حبيبي
غصب عني رايح اسيبك
رغم حبك كان نصيبي
رغم حاجه لم تعيبك

والله حبك عشق عمري
يا حبيب قلبي وعينيّه
بسّ آه لو جيتني بدري
لمّا كان عمري في إيديّه

يا حبيبي م البدايه
خفت تزعل من فتوري
خفت تفهم لي الحكايه
إني بتقل من غروري

آه لو تعرف يا حبي
قدّ إيه بعشق جمالك
قدّ ايه مغرم وقلبي
قدّ إيه محتاج وصالك

بسّ قلبي لسّه خايف
ع الغرام ده م الليالي
والليالي مانت عارف
جرحها لسّه في خيالي