أرجوك

متقولش أرجوك نسيتك
ونسيت غرامك وحبك
ونا اللي أصلا ًهويتك
وفضلت ويّاك وجمبك

بس الغرور يا حبيبي
والكبر قسوك عليه
مع إني ظنيت نصيبي
ويّاك حيطول شويه

يا نور عيوني عشانك
نسيت صحابي وقرايبي
مع إني قلت بحنانك
حتسد مسد كل حبايبي

هو الغرام في الزمان ده
صار أيّ حاجه والسلام
إن كان كده م النهارده
الله الغني عن ده الغرام

والله الغرام عندي أجمل
من أي حاجه في حياتي
من غير غرام لسهّ أفضل
من طول حياتي مماتي