حيّرتني

ساعات هواك حلو وجميل
زيّ النسيم صافي وعليل
وساعات جفاك صعب وطويل
زيّ الطريق من غير دليل

والله بهواك حيّرتني
حتى بلقاك غلّبتني
هواك ده إيه قوللي بقى
جنه ونعيم ولاّ شقا

قلبي الوفي دايما معاك
مغرم بحسنك وبهاك
حتى بجفاك عشقان هواك
مع إنّه والله كان هلاك

يا نور عينيّه ليه كده
هوّ الغرام بالشكل ده
حب وحنان ولاّ خداع
ود وأمان ولاّ ضياع

والله الغرام عندك عجيب
إنت العذول وانت الحبيب
معقول كده بلحظه صفا
فجأه الوصال يصبح جفا

إزاي هعيش عنك بعيد
والقلب من غيرك شريد
ده انت الحبيب وانت الوحيد
اللي بغرامه كان سعيد