لمّا الغرام

لمّا الغرام عندك كلام
يا دوب تسالي والسلام
لأ مستحيل أعشق وميل
مهما الكلام ده كان جميل

يا عمّ حبي كالجبال
راسخ قوي هزّه محال
يا عمّ قلبي كالشجر
محتاج حنان زيّ المطر

يا عم انا مش أيّ حد
تقدر عليه دون أيّ جهد
عندي الغرام أجمل شعور
مش بسّ صد هجر ونفور

يا عمّ انا نفسي بجد
أعشق وحب لأقصى حد
نفسي بغرام ملوهش زي
زيّ القمر جمال وضي

يا عمّ ليه حبك عذاب
ده العمر ولّى والشباب
يا عمّ إيه خلّى الهوى
عندك أماني في الهوا

يا عمّ انا محتاج لحب
يملا الحياه بهجه وسرور
يا عم انا محتاج لقلب
طيّب بلا كبر وغرور