بشتاق إليك

بشتاق إليك يا حبيبي
بشتاق وبعشق جمالك
بسّ الصدود كان نصيبي
والهجر مش ليل وصالك

يا نور عيوني الموّده
مفروض تنوّر دروبنا
مفروض بقوّه وبشده
ع الحبّ تجمع قلوبنا

أمّا الغرور والمكابره
ع الحبّ والعشق نقمه
برضه النفور والمثابره
ع الصدّ ملهومش لزمه

مش قادر اصدق ضميرك
مرتاح وراضي بهواني
من بعد ما كان مصيرك
مربوط بحبي وحناني

ده الحب والعشق جنه
حلوه وجميله في عينيّه
دول مش مجامله ومنّه
من ايّ حد أو هديّه