يا حبيبي ليه انت كاتم
نار غرامك جوّه قلبك
بالسكوت ده إنت ظالم
قلبي وجنونه بحبك
يا حبيب قلبي الليالي
بالزمان عمّال بتجري
وانت قلبك غير مبالي
فكره لسّه العمر بدري
يا حبيبي بالتشدد
راح تضيّع روح شبابك
حتى بالخوف والتردد
راح تطوّل ليل عذابك
يا حبيبي نار ظنونك
في الشتا مش رايحه تنفع
والشكوك اللي في عيونك
في الليالي مش هتشفع
يا حبيبي سيب غرورك
سيب قساوتك ودلالك
قبل ميطفّي فتورك
نار حنيني لوصالك
הירשם ל-
תגובות לפרסום (Atom)
אין תגובות:
הוסף רשומת תגובה