عيونك

يا حبيبي في الأغاني
للعيون أوصاف كتيره
بسّ يا خساره المعاني
كلّها بنفس الوتيره

بسّ برضه كل فكره
في الأغاني جات جميله
إنّما دي بألف مرّه
مش كفايه وفيك قليله

دي الكواكب في الليالي
جات بنورها من جبينك
والمراكب جات يا غالي
بالكنوز دي من عيونك

يا حبيبي في الزمان ده
مستحيل نلقى مثيلك
مستحيل ومن النهارده
حتى نلقالك بديلك

يا حبيبي مين هيقدر
يوصفك إنت وجمالك
مين هيقدر مهما فكّر
ينصفك إنت وخصالك

يا حبيبي مهما قالوا
لسّه حسنك فوق خيالهم
ده انت لزمك قول بحاله
قول حقيقي فوق مجالهم