الحسن نسبي

يا حبيبي ونور عينيّه
شفت حسنك م البدايه
بسّ ما أثرش فيه
غير خصالك في النهايه

دي العيون أقمار كحيله
والخدود أزهار جميله
بسّ برضه الحسن نسبي
عند بعض الناس وقلبي

لسّه أحلى ولسّه أجمل
صدق حبك وغرامك
لسّه أغلى ولسّه أفضل
ذوق حديثك وكلامك

مهما حسنك يا حبيبي
كان حقيقي شيء خيالي
مش هيقدر يا نصيبي
في الزمان ده ع الليالي

بالمودّه والمسامحه
راح تعيش قصة هوانا
بالمحبّه والمصالحه
راح تدوم بسمة هنانا