إشاعات

ياما سمعت ياما قريت
عنك كلام حتى انكويت
ياما الإشاعه عذّبت
قلبي وياما تعّبت

قال إيه غرامك يا جميل
صعب المنال ومستحيل
قال إيه فؤادك يا حبيب
ملوهش في الطيّب نصيب

بسّ الغرام بينا كبير
قدّ الوجود واكتر كتير
رغم الإشاعه والفتن
رغم الوشايه بالعلن

معرفش ليه عند البشر
أصبح مباح نقل الخبر
حتى الكلام اللي اتنشر
عمره مكان بالمختصر

يا ناس حرام هوّ الخصام
هيفيد بإيه ولا الملام
يا ناس حرام خلّوا السلام
قبل النميمه والكلام

يا نور عيوني ربّنا
هوّ اللي بس عالم بنا
هوّ اللي هيصون حبنا
هوّ اللي هيكون جمبنا