زمن سعيد

عشان غرامك صار أكيد
بعد العناد ليّه الشديد
عشان حقيقي بات سعيد
قلبي اللي كان قبلك شريد

هرقص وغنّي للزمان
اللي بهواك اصبح أمان
هرقص وغنّي للحنان
اللي بلقاك غطّى المكان

ليل الجراح يا قلبي راح
لمّا الصباح نوّر ولاح
حتى النسيم بالعطر فاح
لمّا الحبيب بالحب باح

خلاص بقى ويّاك أنا
هنسى الملامه والضنا
خلاص بقى ويّاك هنا
هلقى السعاده والهنا

من النهارده راح أكون
بالقرب من أجمل عيون
ومن النهارده لا الشجون
هتعود ولا حتى الظنون

يا خساره بس على السنين
اللي انقضت وجد وحنين
كان يجرى إيه لو كان أمين
قلبك وكان حبك متين