مش قادر اصدق كلامك
مش قادر اصدق وداني
دلوقتي لمّا غرامك
ملك فؤادي وزماني
بتقوللي أفضل وأحسن
مشوفش تاني عيونك
بتقوللي أسهل وأهون
أعيش حياتي بدونك
إزّاي هعيش يا حبيبي
من غير غرامك وحبك
وازّاي هكون يا نصيبي
من غير وجودي بقربك
مقدرش اعيش لو لثانيه
إلاّ ان رضيت تاني عني
مقدرش اروح أيّ ناحيه
إلاّ ان بقيت جمب مني
ده الشوق إليك يا هوايا
عمّال يقيد وانت جمبي
والخوف عليك يا منايا
عمّال يزيد جوّه قلبي
معقول هترضى بخداعي
وتبيع غرامي وحناني
معقول هترضى بضياعي
وتزيد عذابي وهواني
والله الحياه يا حياتي
من غير هواك مستحيله
ده انت الحياه وانت ذاتي
وانت الأماني الجميله
הירשם ל-
תגובות לפרסום (Atom)
אין תגובות:
הוסף רשומת תגובה