في بلاد غريبه يا روحي
ضيّعت عمري وحياتي
غير بسّ دمعي ونوحي
مكانش يمسح آهاتي
سيبتك وسيبت القرايب
وروحت لبلاد بعيده
فكري بدون الحبايب
هتكون حياتي سعيده
بنده عليك يا حبيبي
في ليل عذابي وسهادي
تعال طفّي لهيبي
تعال ريّح فؤادي
بستاق إليك كل ثانيه
شوق الأسير لسراحه
بسأل عليك كل ناحيه
والقلب شايل جراحه
فضلت وحدي أكابر
وقول مسيرها هتفرج
حتى الفؤاد اللي صابر
معدش قدامه مخرج
غير بسّ يرجع لحبك
من بعد هجره وعذابه
من بعد ما كان بقربك
راضي بحياته وشبابه
הירשם ל-
תגובות לפרסום (Atom)
אין תגובות:
הוסף רשומת תגובה