جايز

صفات كتيره عجباني فيك
حاجات جميله سحراني بيك
بسّ الحقيقه فيك شيء مميّز
خلاّك مكرم عندي ومعزّز

جايز بحبك لأنّ قلبك
أمين وصادق سنين بحبك
وبرضه جايز عشان وصالك
جميل ورائع حتى بدلالك

جايز بحبك وحياة غلاوتك
عشان كرامتك غاليه وشهامتك
وبرضه جايز وحياة حلاوتك
عشان رزانتك عاليه وأمانتك

جايز بحبك عشان وفاءك
لسنين طويله وعشان صفاءك
وبرضه جايز عشان إباءك
ونبل طبعك وكبرياءك

جايز بحبك عشان حياتي
هاديه وسعيده معاك يوماتي
وبرضه جايز يا روحي إنت
كلّ الحاجات دي وشويّه حتى