ثلج ومطر

ثلج ومطر من غير قمر
والليل نشر ع الكون ضجر
والشوق عذاب من غير أنيس
حتى الكتاب مش ده الجليس

من غير لقاك من غير هواك
والله الحياه غربه وهلاك
هوّ السمك خارج المياه
يقدر يعيش أو له حياه

برّه الظلام جوّه السكون
والقلب غرقان في الشجون
حتى المنام جفا العيون
م الفكر والشوف والظنون

سهران وحيد من غير حنان
حيران شريد من غير أمان
وسط الجراح صوت الرّياح
وحده الصديق حتى الصباح

نفسي أنام بسّ الأنين
شقّ السكون م الشوق سنين
وازّاي هنام والليل رهيب
من غير نصيب ليّه بحبيب