جمالك

يا حبيبي الليله جمالك سحرني
وذوقك فتني ولطفك أسرني
يا حبيبي الليله غرامك رماني
ونورك حقيقي بنظره سباني

ده القمر من نورك خجل من شحوبه
والسمر بحضورك سكت عن عيوبه
والزهور م الغيره في الجناين دابت
والنجوم م الحيره في الأعالي غابت

يا حبيبي الليله جمالك حكايتي
حكايه هتسعد حياتي وذاتي
والليله عيونك هتبقى مرايتي
مرايه هتعكس زماني اللي آتي

يا حبيبي الليله جمالك ده آيه
بتجمع وتشمل جميع المزايا
والليله يا غالي معاك الأماني
هتسعد حياتي وقلبي وزماني