خايف

يا عمري حبك أمل حياتي
وعشق روحي وكنه ذاتي
يا بدري حسنك ملك مشاعري
والشوق في صدري سكن خواطري

لكن يا عمري معرفش إمتى
هشوف جمالك وفي أيّ حتّه
معرفش أصلاً هتكون حبيبي
ولاّ غرامك هيكون نصيبي

كلّ اللي عارفه يا عمري إنك
جميل بحبك بديع بحسنك
حتى اللي شايفه في عيون فؤادي
بقوللي حسنك غير اعتيادي

يا عمري قلبي حزين بحبي
شريد وتايه سنين ع دربي
حتى العواذل شايفين عذابي
شايفين ضياعي وضياع شبابي

يا عمري خايف يضيع غرامي
وحتى شايف سراب أمامي
يا ريت يا عمري نلقى الوسيله
حتى الغرام ده يصبح حقيقه