بحبك

بحبك حبيبي بحبك لأنّك
جمالك نصيبي ومن صغر سنّك
بحب فيك صفاءك وشدّة وفاءك
وبعشق إباءك ونار كبرياءك

بحب فيك حنانك وطيبة فؤادك
وبشكر زمانك ع بهجة ودادك
بحب فيك وصالك وروعة غرامك
ولو زاد دلالك عليّه وملامك

بحبك ولطفك أسرني يا غالي
بحبك وظرفك سحرني ليالي
بحبك وحبك قدر وانقسم لي
قدر يا حبيبي رجع وابتسم لي

بحبك ومنك خيالي وفكري
وعنك كلامي ونثري وشعري
بحبك وروحي فداك يا حياتي
يا بلسم جروحي ودمعي وآهاتي