ع سطح البيت

ليلة مبارح ع سطح البيت
والناس سهرانه ومرتاحه
كان بينا كلام بسّ يا ريت
قلناه يا حبيبي بالراحه

م العيون الباصه فينا
والقلوب الشامته بينا
لا قدرنا نحكي ونتكلّم
ولا حتى بعنينا نسلّم

مالكو انتو يا ناس ومالنا
ليه بقى شاغلين بالكو وبالنا
أيام وسنين وحنا في حالنا
لا روحنا لحد ولا حد جالنا

هتحسّوا بإيه يا ناس بكره
لو شافكو عذول وغار منكو
هنحسّوا بإيه ده لو مرّه
حس بيكو حسود وقال عنكو

يا ريت يا عاذل تتعلّم
بدل متحكي وتتكلّم
يا ريت يا حاسد تتندم
بدل متشكي وتتألّم