عهد الغرام

عهد الغرام بينا مضى
لمّا ابتدا عهد الجفا
حتى الهيام راح وانقضى
لمّا انتهى وعد الوفا

ليه يا زمان كلّ اللي كان
زيّ الدخان طار في الهوا
ليه يا زمان كلّ الحنان
والحبّ صار ذلّ وجوى

هوّ اللي كان بينا غرام
ولاّ اللي كان كدب وخداع
هوّ اللي كان بينا هيام
ولاّ اللي كان غلب وضياع

من غير كرامه لأ مليش
بالحبّ والشوق والهوى
من غير شهامه لأ مفيش
في القلب غير صدّ ونوى

والله الغرام عالم جميل
لمّا الحبيب يشتاق إليك
بسّ الغرام شيء مستحيل
لمّا الحبيب يتقل عليك