حبيت هواك

حبيت هواك من غير كسوف
من غير هواجس أو ظنون
حبيت بهاك وعاش شغوف
قلبي المتيّم بالعيون

حبيت هواك لحظة لقاك
من غير تردد أو سؤال
وليه التردد يا ملاك
والحسن فاق حتى الخيال

حبيت هواك والحبّ حق
لكلّ إنسان في الوجود
شرطي الوحيد إخلاص وصدق
من غير جحود أو يوم صدود

في كلّ ثانيه يا جميل
قلبي معاك روحي معاك
وفي كلّ ناحيه مستحيل
هقدر أعيش إلاّ في حماك


الله عليك يا أحلى حب
يا اللي بلقاك قلبي اهتدى
الله عليك يا أوفى قلبي
يا اللي برضاك عمري ابتدا