مغرور

سنين ونا بعشق عينيك
سنين ونا بشتاق إليك
بسّ الغرور خلاّك أسير
للشك بالحبّ الكبير

والله حرام ويّا الجراح
أسهر وبات حتى الصباح
والله حرام في الليل اكون
رهن الهواجس والظنون

سنين ونا ماشي في طريق
من غير رفيق ليّه وصديق
سنين ونا بطلب رضاك
بطلب ودادك وهواك

يا نور عينيّه ليه كده
هوّ الغرور بالشكل ده
ده القلب داب والدمع سال
بسّ الغياب والبعد طال

يرضيك عذاب قلبي الحزين
يرضيك ضياع حب السنين
والله عجيب ذنبي الوحيد
ويّاك غرام قلبي الشديد

إزاي هقابلك يوم ونول
وصلك وجمبك ميت عذول
وازاي هبادلك يوم غرام
والكبر مانعك م الكلام

إرحم بقى وخلّيك عطوف
خلّيك رؤوف بيّه وشغوف
خلّيك لطيف زيّي وحنون
رغم الأسى بهواك جنون