خلاص

يا اللي نزعت مني الغرام
بالهجر والصد والخصام
با اللي زرعت فيّه الجراح
بالغدر والسهد للصباح

خلاص بقى ملّيت جفاك
ملّيت لقاك ملّيت هواك
خلاص بقى حرّم وتاب
قلبي اللي ضاع بعدك وداب

أحلى زمان عشناه سوى
واحلى حنان واحلى هوى
ليه كلّ ده راح في المدا
همّه العدا قسّوك كده

ليه بسّ تنسى حبنا
ده حتى يغضب ربنا
هوّ الحبيب ينسى الحبيب
ولاّ النصيب حظّ الغريب

زعلان قوي وغاوي الغضب
تقلان قوي وهاوي العتب
عملت إيه حتى النوى
أصبح نصيبي والجوى